ମାଲକାନଗିରି ୮|୬: ମାଲକାନଗିରି ପୋଲିସକୁ ପୁଣି ଏକ ବଡ ସଫଳତା ମିଳିଲା । ପୋଲିସ ହାତରେ ଧରା ପଡିଛନ୍ତି ୩୪ ଜଣ ଗଞ୍ଜେଇ ମାଫିଆ । ଜିଲ୍ଲାର ଚିତ୍ରକୋଣ୍ଡା ଅଞ୍ଚଳରୁ ଭାରରେ ଛତିଶଗଡକୁ ଗଞ୍ଜେଇ ଚୋରାରେ ଚାଲାଣ କରୁଥିବା ବେଳେ ବାଲିମେଳା ପୋଲିସ ଗଞ୍ଜେଇ ଚୋରା ଚାଲାଣ କାରୀଙ୍କ ପିଛା କରିଥିଲେ । ହେଲେ ଶହେରୁ ଅଧିକ ଚୋରା ଚାଲାଣ କାରି ପୋଲିସ ଉପରେ ଆକ୍ରମଣ କରିବ ସହ ଘଟଣାସ୍ଥଳରୁ ଫେରାଇ ହୋଇଥିଲେ । ଘଟଣାରେ ବାଲିମେଳା ଥାନାର ଜଣେ କନେଷ୍ଟବଳ ଗୁରୁତର ଭାବେ ଆହତ ହୋଇ କୋରାପୁଟ ମେଡିକାଲରେ ଚିକିତ୍ସିତ ହେଉଛନ୍ତି ।

ଏହି ଘଟଣା ପରେ ମାଲକାନଗିରି ଏସପି ଏକ ସ୍ବତନ୍ତ୍ର ଟିମ୍ ଗଠନ କରିଥିଲେ ୭୫ ଜଣ ଯବାନ ମାଥିଲି ଜଙ୍ଗଲ ଭିତରେ ଚଢାଉ କରି ଏହି ୩୪ ଜଣଙ୍କୁ ଗିରଫ କରିବାରେ ସଫଳ ହୋଇଛନ୍ତି । ଏମାନଙ୍କ ମଧ୍ୟରେ ୧୭ ଜଣ ମାଲକାନଗିରି ଜିଲ୍ଲାର ହୋଇଥିବା ବେଳେ ୧୧ ଜଣ ନବରଙ୍ଗପୁର ଜିଲ୍ଲାର, ୫ ଜଣ କୋରାପୁଟ ଜିଲ୍ଲାର ଓ ଜଣେ ଛତିଶଗଡର ବୋଲି ଜଣାପଡିଛି । ଏମାନଙ୍କ ନିକଟରୁ ପୋଲିସ ଜବତ କରିଥିବା ମୋଟ୍ ୩୩୦୫ କେଜି ଗଞ୍ଜେଇର ବଜାର ମୂଲ୍ୟ ପ୍ରାୟ ୨ କୋଟି ଟଙ୍କା ହେବ ବୋଲି ମାଲକାନଗିରି ଏସପି କହିଛନ୍ତି । ଗିରଫ ସମସ୍ତଙ୍କୁ ପଚରା ଉଚୁରା କରାଯିବା ପରେ ଆଜି କୋର୍ଟ ଚାଲାଣ କରାଯିବା ସହ ଏହି ଗଞ୍ଜେଇ ରାକେଟରେ ସାମିଲ ଥିବା କିଙ୍ଗପିନକୁ ମଧ୍ୟ ଖୁବ୍ ଶୀଘ୍ର ଗିରଫ କରାଯିବ ବୋଲି ପୋଲିସ କହିଛି ।