ଝାରସୁଗୁଡ଼ା, ୧୦/୦୩: କୋଲାବିରା ଥାନା ମାଲିଡିହିରେ ଅଗ୍ନିକାଣ୍ଡ ଘଟି ୩ ଦୋକାନ ଜଳି ଯାଇଛି। ମାଲିଡିହି ଛକ ସ୍ଥିତ ପ୍ରଶାନ୍ତ ପୂଜାରୀଙ୍କ ମାର୍କେଟ କମ୍ଲେକ୍ସରେ ରହିଥିବା ୩ଟି ଦୋକାନରେ ନିଆଁ ଲାଗି ଜଳିଯାଇଛି। ସର୍ଟ ସର୍କିଟ ଯୋଗୁଁ ଦୋକାନ ଘରେ ନିଆଁ ଲାଗିଥିବା କୁହାଯାଉଥିବାବେଳେ କୋଲାବିରାର ଦୁଇଟି ଦମକଳ ନିଆଁ ଲିଭାଇବାକୁ ଘଟଣାସ୍ଥଳରେ ପହଞ୍ଚିଛି।
ଜଳିଯାଇ ଥିବା ଦୋକାନ ମଧ୍ୟରୁ ଗୋଟିଏ ପୂଜା ସାମଗ୍ରୀ ଦୋକାନ, ଗୋଟିଏ ରାସନ୍ ଦୋକାନ ସହ ଅନ୍ୟ ଏକ ଦୋକାନରେ ଚାଷ ପାଇଁ ବ୍ୟବହୃତ ସାରା, ଔଷଧ ଓ ଧାନ ରହିଥିଲା। ୩ ଦୋକାନ ଜଳିବାରୁ ଲକ୍ଷାଧିକ ଟଙ୍କାର ସମ୍ପତ୍ତି ଜଳି ନଷ୍ଟ ହୋଇଛି।
