ନୂଆଦିଲ୍ଲୀ୯/୧: ରାଜଧାନୀ ଦିଲ୍ଲୀରୁ ଗିରଫ ହେଲେ ୩ କୁଖ୍ୟାତ ଆତଙ୍କବାଦୀ । ନୂଆଦିଲ୍ଲୀ ଓଜିରାବାଦ୍ ଅଞ୍ଚଳରେ କିଛି ଆତଙ୍କବାଦୀ ଆତ୍ମଗୋପନ କରିଥିବା ନେଇ ଗୁଇନ୍ଦା ବିଭାଗ ପକ୍ଷରୁ ସୂଚନା ମିଳିଥିଲା । ପରେ ଦିଲ୍ଲୀ ସ୍ୱତନ୍ତ୍ର ସେଲ୍ ପୁଲିସ୍ ର ଏକ ଟିମ୍ ସେମାନଙ୍କୁ ଗିରଫ କରିବା ପାଇଁ ଓଜିରାବାଦ ଅଞ୍ଚଳକୁ ଯାଇଥିଲା । ତେବେ, ପୁଲିସ୍ ସେମାନଙ୍କୁ ଗିରଫ କରିବାକୁ ଯିବାବେଳେ ପୁଲିସ୍ ସହିତ ସେମାନଙ୍କର ଏନ୍ କାଉଣ୍ଟର ହୋଇଥିଲା ।
କିନ୍ତୁ, ଦିଲ୍ଲୀରୁ ସ୍ୱତନ୍ତ୍ର ସେଲ୍ ପୁଲିସ୍ ଟିମ୍ ସେମାନଙ୍କୁ କାବୁ କରି ଗିରଫ କରିବାରେ ସମର୍ଥ ହୋଇଥିଲା । ଏମାନଙ୍କ ନିକଟରୁ ବିପୁଳ ମାତ୍ରାର ମାରଣାସ୍ତ୍ର ସହ ନିଷିଦ୍ଧ ଆତଙ୍କବାଦୀ ସଂଗଠନ ଆଇଏସ୍ ର କାଗଜପତ୍ର ରହିଛି । ଆସନ୍ତା ୨୬ ତାରିଖରେ ପାଳିତ ହେବାକୁ ଥିବା ସାଧାରଣତନ୍ତ୍ର ଦିବସ ପୂର୍ବରୁ ଦିଲ୍ଲୀରୁ ୩ ଆଇଏସ୍ ଆତଙ୍କବାଦୀଙ୍କ ଗିରଫ ଘଟଣା ପୁଲିସ୍ ପାଇଁ ଏବେ ଚିନ୍ତାର କାରଣ ପାଲଟିଛି । ଅନ୍ୟପଟେ ୩ ଆତଙ୍କବାଦୀ ଗିରଫ ହେବା ପରେ ଦିଲ୍ଲୀରେ ହାଇ ଆଲର୍ଟ ଜାରି କରାଯାଇଛି । ସମ୍ବେଦନଶୀଳ ସ୍ଥାନ ଗୁଡିକରେ ସୁରକ୍ଷା ବ୍ୟବସ୍ଥା ବଢାଇ ଦିଆଯାଇଛି।
