ଭୁବନେଶ୍ୱର: ବାଣ ବିସ୍ଫୋରଣରେ ୩ ଜଣ ଶିଶୁ ଗୁରୁତର ହୋଇଛନ୍ତି। କାହାର ମୁହଁ ପୋଡ଼ିଯାଛି ତ କାହା ହାତରୁ ଛାଲ ଉତୁରିଯାଇଛି। ଭୁବନେଶ୍ୱରରେ ଏଭଳି ଘଟଣା ଘଟିଛି। ଆହତ ଶିଶୁମାନଙ୍କୁ ଗୁରୁତର ଅବସ୍ଥାରେ କ୍ୟାପିଟାଲ୍ ହସ୍ପିଟାଲ୍ରେ ଭର୍ତ୍ତି କରାଯାଇଛି। ୩ ଶିଶୁଙ୍କ ବୟସ ୮ ରୁ ୧୦ ବର୍ଷ ମଧ୍ୟରେ ହେବ। ବାଣ ବିସ୍ଫୋରଣରେ ଶିଶୁମାନଙ୍କର ହାତ, ମୁହଁ, ଛାତି ପୋଡ଼ି ଯାଇଛି।
wp:heading {"level":4}ପଢ଼ନ୍ତୁ- ସରକାରୀ କ୍ୱାର୍ଟରରେ ଅଗ୍ନିକାଣ୍ଡ, ବାଣ ବିସ୍ଫୋରଣରୁ ଲାଗିଲା ନିଆଁ
/wp:headingସୂଚନା ଅନୁସାରେ, ଏକ ଅଫୁଟା ବାଣକୁ କୌତୁହଳ ବଶତଃ ପିଲାମାନେ ଆଣି ଚୁଲିରେ ପକାଇ ଦେଇଥିଲେ। ଚୁଲିରେ ବାଣ ପକାଇ ୩ ଶିଶୁ ଚୁଲିକୁ ଚାହିଁ ରହିଥିଲେ। ଏହି ସମୟରେ ବାଣ ଟି ପ୍ରଚଣ୍ଡ ଶଦ୍ଧ କରି ବିସ୍ଫୋରଣ ହୋଇଥିଲା। ଫଳରେ ବାଣ ନିଆଁ ପିଲାମାନଙ୍କ ଆଖି, ଛାତି ଓ ମୁହଁ ପୋଡ଼ି ପକାଇଥିଲା।
ଏଥିରେ ୩ ଶିଶୁ ଗୁରୁତର ଭାବେ ଆହାତ ହୋଇଥିଲେ। ସେମାନଙ୍କୁ ପ୍ରଥମେ ବାଲିପାଟଣା ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ର ଏବଂ ପରେ କ୍ୟାପିଟାଲ୍ ହସ୍ପିଟାଲ୍ରେ ଭର୍ତ୍ତି କରାଯାଇଛି।
