previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟନା : ନୀତୀଶ କୁମାରଙ୍କ ଅଷ୍ଟମ ପାଳି, ମୁଖ୍ୟମନ୍ତ୍ରୀ ଭାବେ ନେଲେ ଶପଥ
  • ||
  • ରାଜ୍ୟରେ କମିଲା ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୫୩ କୋଭିଡ୍ ପଜିଟିଭ୍
  • ||
  • ବ୍ରହ୍ମପୁର: ଗଞ୍ଜେଇ ଚାଲାଣ ବେଳେ ଧରାପଡିଲା ସୁନା ତସ୍କରୀ, ୨୦ ସୁନା ବିସ୍କୁଟ ଜବତ
  • ||
  • ସୋର : ଭାରସାମ୍ୟ ହରାଇ ଓଲଟିଲା ତୀର୍ଥଯାତ୍ରୀ ବସ୍, ୩୦ରୁ ଅଧିକ ଆହତ
  • ||

ଅଭାବନୀୟ : ଘର ଭିତରେ ଥିବା ସୁଡଙ୍ଗରେ ପଶି ୩ ଭାଇଙ୍କ ମୃତ୍ୟୁ

23/05/2020 at 7:03 AM

ମୋହନା ୨୩।୫: ଗଜପତି ଜିଲ୍ଲା ଅଡବା ଥାନା ବିରିକୋଟ ଗାଁରେ ଅଭାବନୀୟ ଘଟାଣା ଘଟିଛି । ଘର ଭିତରେ ଥିବା ଭୂତଳ ସୁଡଙ୍ଗରେ ପଶି ୩ ଭାଇଙ୍କ ମୃତ୍ୟୁ ହୋଇଛି । ମୃତକମାନେ ହେଉଛନ୍ତି ବିକ୍ରମ ମାଝୀ, ସଞ୍ଜୀବ ମାଝୀ ଓ ଜିତୁ ମାଝୀ ।

ସୂଚନାଯୋଗ୍ୟ ଯେ, ଗତକାଲି ରାତିରେ ଘର ଭିତରେ ଥିବା ସୁଡଙ୍ଗରୁ କିଛି ଜିନିଷ ଆଣିବା ପାଇଁ ପ୍ରଥମେ ସଞ୍ଜୀବ ଯାଇଥିଲେ । ସେ ସେଠାରେ ଅଚେତ୍ ହୋଇପଡିଥିଲେ । ସେ ଅଚେତ୍ ହୋଇପଡିବାରୁ ବିକ୍ରମ ଭିତରକୁ ଯାଇଥିଲେ । ସେ ମଧ୍ୟ ସେଠାକୁ ଯାଇ ଅଚେତ୍ ହୋଇପଡିଲେ । ଦୁଇ ଭାଇ ଅଚେତ୍ ହେବା ଦେଖି ସାନ ଭାଇ ଜିତୁ ସେମାନଙ୍କୁ ଉଦ୍ଧାର କରିବାକୁ ଯାଇ ସେ ମଧ୍ୟ ଅଚେତ୍ ହୋଇଗଲେ । ଏହା ଦେଖି ଭଉଣୀ ତାରକା ମାଝୀ ମା’ଙ୍କୁ ଜଣାଇଥିଲେ ।

ବାପା ଜୁଆନ ମାଝୀ ଓ ପରିବାର ଲୋକେ ରଶି ଲଗାଇ ସୁଡଙ୍ଗ ଭିତରୁ ୩ ଜଣଙ୍କୁ ବାହାର କରି ପ୍ରଥମେ ବିରିକୋଟ ମେଡିକାଲକୁ ନେଇଥିଲେ । ଏହାପରେ ମୋହନା ମେଡିକାଲକୁ ଅଣାଯାଇଥିଲା । ସେଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ । ଶ୍ବାସରୁଦ୍ଧ ହେବା ଯୋଗୁଁ ୩ ଭାଇଙ୍କ ମୃତ୍ୟୁ ହୋଇଥିବା ଅନୁମାନ କରାଯାଉଥିବା ବେଳେ ଅଡବା ପୋଲିସ ପହଞ୍ଚି ମୃତଦେହ ଜବତ କରି ତଦନ୍ତ କରୁଛି  ।

   Related Posts