scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଅଳଙ୍କାର ଦୋକାନରୁ ଲୁଟ୍‌ ଘଟଣା: ୮୪ ଗ୍ରାମ୍‌ ସୁନା, ୪ କେଜି ରୁପା ସହ ୩ ଗିରଫ

23/10/2021 at 9:22 PM

ଯାଜପୁର ୨୩/୧୦: ଯାଜପୁର ଜିଲ୍ଲା କୁଆଖିଆ ଥାନା ମଧୁବନ ବଜାରରୁ ଅଳଙ୍କାର ଦୋକାନ ଲୁଟ ଘଟଣା । ଏହି ଘଟଣାରେ ସମ୍ପୃକ୍ତ ୩ ଜଣ ଅଭିଯୁକ୍ତଙ୍କୁ ଗିରଫ କଲା କୁଆଖିଆ ପୋଲିସ । ସେମାନଙ୍କ ନିକଟରୁ ୮୪ ଗ୍ରାମ ସୁନା, ୪ କେଜି ରୁପା ଅଳଙ୍କାର ସହ ଏକ ବାଇକ ଜବତ କରାଯାଇଛି । ଗିରଫ ଅଭିଯୁକ୍ତ ମାନେ ଯଖପୁରା ଥାନା ଅଞ୍ଚଳର ଦୀପକ ପ୍ରଧାନ ଓ ପ୍ରକାଶ ପ୍ରଧାନ ଏବଂ ପିପିଲି ଥାନା ଅଞ୍ଚଳର ରାଜା ଶିକାରୀ ବୋଲି ଜଣାପଡିଛି ।

ଅଭିଯୁକ୍ତମାନଙ୍କୁ ଆଜି ଅପରାହ୍ନରେ କୋର୍ଟ ଚାଲାଣ କରାଯାଇଛି । ସୂଚନା ମୁତାବକ ଗତ ୨୧ ତାରିଖ ଦିନ ମଧୁବନ ବଜାରରେ ଥିବା ଏକ ଅଳଙ୍କାର ଦୋକାନରୁ ଲୁଟ ହୋଇଥିଲା । ଦୋକାନ ମାଲିକ ସକାଳୁ ଦୋକାନ ଖୋଲି ପାଣି ଆଣିବାକୁ ଯାଇଥିବା ସମୟରେ ଦୋକାନରେ ଥିବା ଏକ ଅଳଙ୍କାର ଭର୍ତ୍ତି ବ୍ୟାଗକୁ କେହି ଦୁର୍ବୁତ୍ତ ଲୁଟି ନେଇଥିଲେ ।

ଏନେଇ ଦୋକାନ ମାଲିକ କୁଆଖିଆ ଥାନାରେ ଅଭିଯୋଗ କରିଥିଲେ। ଅଭିଯୋଗ ପରେ ପୋଲିସ ସିସିଟିଭି ଫୁଟେଜ ଯାଞ୍ଚ କରିବା ସହ ଏହାର ତଦନ୍ତ ଚଳାଇଥିଲା । ତେବେ ଆଜି ଲୁଟ ହୋଇଥିବା ଅଳଙ୍କାର ଜବତ କରିବା ସହ ଏଥିରେ ସମ୍ପୃକ୍ତ ୩ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ସୂଚନା ଦେଇଛନ୍ତି ।

   Related Posts