କାକଟପୁର ମା ମଙ୍ଗଳା ମନ୍ଦିରରେ ୩ଜଣ ମହିଳା ଭକ୍ତଙ୍କୁ ମାଡ ଘଟଣାରେ ପୋଲିସର ଆକ୍ସନ
Published By : Prameya-News7 Bureau | September 16, 2018 IST
କାକଟପୁର ;୧୬/୦୯-କାକଟପୁର ମା ମଙ୍ଗଳା ମନ୍ଦିରରେ ୩ଜଣ ମହିଳା ଭକ୍ତଙ୍କୁ ମାଡ ଘଟଣାରେ ପୋଲିସର ଆକ୍ସନ । ଘଟଣାରେ ସଂପୃକ୍ତ ୩ ସେବାୟତଙ୍କୁ
ଗିରଫ କରି କୋର୍ଟ ଚାଲାଣ କଲା ପୋଲିସ । ଅଭିଯୁକ୍ତ ମାନେ ହେଲେ ବାଲୁଙ୍କେଶ୍ବର ଦାଶ, ସୂର୍ଯ୍ୟନାରାୟଣ ପଣ୍ଡା ଓ ନଳିନୀ କାନ୍ତ ଦିକ୍ଷୀତ । ପୁରୀ ବାଲିଘାଟ ଅଞ୍ଚଳର ଜଣେ ମହିଳା ନିଜ ପରିବାର ସହ ମା ମଙ୍ଗଳା ମନ୍ଦିର ଦର୍ଶନ କରିବାକୁ ଆସିଥିଲେ । ସେବାୟତ ମାନେ ମହିଳାଙ୍କୁ ନିଜ ଘର କେଉଁଠି ବୋଲି ପଚାରିବାରୁ ଉଭୟ ମହିଳାଙ୍କ ପରିବାର ଓ ସେବାୟତଙ୍କ ମଧ୍ୟରେ ବଚସା ହୋଇଥିଲା । ପରେ ଉକ୍ତ ମହିଳାଙ୍କ ପରିବାରକୁ ସେବାୟତ ମାନେ ମାଡ ମାରିଥିବା କାକଟପୁର ଥାନାରେ ଅଭିଯୋଗ ହୋଇଛି । ମହିଳାଙ୍କ ଲିଖିତ ଅଭିଯୋଗ ଆଧାରରେ ୩ ଅଭିଯୁକ୍ତଙ୍କୁ ଗିରଫ କରିଛି ପୁଲିସ । ପୂର୍ବରୁ ବିଭିନ୍ନ ସମୟରେ ମଧ୍ୟ ମନ୍ଦିର ଗର୍ଭ ଗୃହରେ ମହିଳା ଭକ୍ତଙ୍କୁ ଦୁର୍ବ୍ୟବହାର ହଉଥିବା ଖବର ସୋସିଆଲ ମିଡିଆରେ ଭାଇରାଲ ହୋଇଥିଲା।