scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ରଥଯାତ୍ରା ପାଇଁ ପରିବହନ ବିଭାଗର ସ୍ବତନ୍ତ୍ର ବ୍ୟବସ୍ଥା, ପୁରୀକୁ ଚାଲିବ ପ୍ରାୟ ୨ ହଜାର ବସ୍‌

19/06/2023 at 3:12 PM

କଟକ ୧୯।୬: ବିଶ୍ବ ପ୍ରସିଦ୍ଧ ରଥଯାତ୍ରା ପାଇଁ ବିଶେଷ ବ୍ୟବସ୍ଥା କରିଛି ରାଜ୍ୟ ପରିବହନ ବିଭାଗ । ଯେହେତୁ ମଙ୍ଗଳବାରଠାରୁ ପୁରୀରେ ଲକ୍ଷାଧିକ ଭକ୍ତଙ୍କ ସମାଗମ ହେବ, ତେଣୁ ଯାତ୍ରୀ ପରିବହନକୁ ସୁଗମ କରାଇବା ଲାଗି ପ୍ରାୟ ୨ ହଜାର ଯାତ୍ରୀବାହୀ ବସ୍‌କୁ ସ୍ବତନ୍ତ୍ର ପରମିଟ୍ ପ୍ରଦାନ କରାଯାଇଛି । ବସଯାତ୍ରୀ ମାନଙ୍କଠାରୁ ଅଧିକ ଭଡା ଆଦାୟ କରାଯାଇପାରିବ ନାହିଁ । କୌଣସି ବସ୍ରେ ଯେପରି ଭିଡ ନହେବ ଏବଂ ପ୍ରତ୍ୟେକ ଯାତ୍ରୀଙ୍କ ଲାଗି ପିଇବା ପାଣିର ବନ୍ଦୋବସ୍ଥ କରିବା ଲାଗି ସ୍ପଷ୍ଟ ନିର୍ଦ୍ଦେଶନାମା ଜାରି କରିଛି ପରିବହନ ବିଭାଗ । ଯାତ୍ରୀ ପରିବହନ ବ୍ୟବସ୍ଥାକୁ ତନଖି କରିବା ଲାଗି ୨୫ଟି ଏନ୍‌ଫୋର୍ସମେଣ୍ଟ ସ୍କ୍ବାଡ୍ ଗଠନ କରାଯାଇଛି । ଯଦି କୌଣସି ଯାଗାରେ କିଛି ବି ବ୍ୟତିକ୍ରମ ଦେଖାଦିଏ, ତେବେ ସମ୍ପୃକ୍ତ ବସ୍‌ର ପରମିଟ୍ ବାତିଲ କରାଯିବା ସିହତ ମୋଟା ଅଙ୍କର ଜରିମନା ଆଦାୟ କରାଯିବ ବୋଲି କହିଛନ୍ତି ବିଭାଗୀୟ ଅଧିକାରୀ ।

ରଥଯାତ୍ରାର ସୁଯୋଗ ନେଇ ଯଦି କୌଣସି ଯାତ୍ରୀଙ୍କଠାରୁ ଧାର୍ଯ୍ୟ ଭଡାଠାରୁ ଅଧିକ ଟଙ୍କା ଆଦାୟ କରାଯିବ । ତେବେ କଠୋର କାର୍ଯ୍ୟାନୁଷ୍ଠାନ ପାଇଁ ଚେତାବନୀ ଦେଇଛି ପରିବହନ ବିଭାଗ । ସମ୍ଭବତଃ ସେହି ଚେତାବନୀର ପ୍ରତିଫଳନ ଏବେ କଟକ ବାଦମବାଡି ସ୍ଥିତ ପୁରୀ ବସଷ୍ଟାଣ୍ତରେ ଦେଖିବାକୁ ମିଳୁଛି । ଯେହେତୁ ରାତି ପାହିଲେ ବିଶ୍ବ ପ୍ରସିଦ୍ଧ ରଥଯାତ୍ରା । ତେଣୁ ଏବେଠାରୁ ପୁରୀ ମୁହାଁ ହେଲେଣି ଯାତ୍ରୀ । ଦୈନିକ ଶହେରୁ ଅଧିକ ବସ୍ କଟକ ଏବଂ ପୁରୀ ମଧ୍ୟରେ ଯାଆସ କରେ । କିନ୍ତୁ ରଥଯାତ୍ରାକୁ ଆଖିରେ ରଖି, କଟକରୁ ପୁରୀ ମଧ୍ୟରେ ପ୍ରାୟ ୩ ଶହ ଅଧିକ ବସକୁ ସ୍ପେଶାଲ ପରମିଟ୍‌ ପ୍ରଦାନ କରିଛି ପରିବହନ ବିଭାଗ ।

କଟକ ବ୍ୟତୀତ ସମଗ୍ର ରାଜ୍ୟରୁ ପୁରୀ ଅଭିମୁଖେ ଆସିବା ଲାଗି ପ୍ରାୟ ୨ ହଜାର ଘରୋଇ ବସ୍କୁ ସ୍ପେଶାଲ ପରମିଟ୍‌ ମିଳିଛି । କିନ୍ତୁ ଚଳିତ ବର୍ଷ ଯେପରି ବସ୍‌ ଯାତ୍ରୀମାନେ ଅସୁବିଧାରେ ନପଡିବେ, ସେଥିଲାଗି ପରିବହନ ବିଭାଗ ତରଫରୁ  ଘରୋଇ ବସ୍ ମାଲିକମାନଙ୍କୁ ବହୁ ଆଗରୁ ସତର୍କ କରିଦିଆଯାଇଛି । ସରକାରୀ ନିୟମ ମୁତାବକ ଗାଡି ଚଳାଇବାକୁ ସ୍ପଷ୍ଟ ନିର୍ଦ୍ଦେଶ ହୋଇଛି । ଯେଉଁଥିଲାଗି ଆଜିଠାରୁ ଯାତ୍ରୀ ପରିବହନ ଶୃଙ୍ଖଳିତ ଢଙ୍ଗରେ ପ୍ରାୟତଃ ଆରମ୍ଭ ହୋଇଛି । ଅବଶ୍ୟ ମଙ୍ଗଳବାର ଏହା କେଉଁ ରୂପ ନେବ କହିହେବ ନାହିଁ ।   

ପ୍ରତ୍ୟେକ ବର୍ଷ ରଥଯାତ୍ରା ବେଳକୁ କଟକ ସମେତ ଭୁବନେଶ୍ବର, ପିପିଲି, ଖୋର୍ଦ୍ଧା ଏବଂ ବିଶେଷ କରି ପୁରୀରୁ ବସଯାତ୍ରୀମାନଙ୍କର ନାନାଦି ଅଭିଯୋଗ ଆସିଥାଏ । କେବେ ଅତ୍ୟଧିକ ବସ୍‌ଭଡା ଆଦାୟ ତ ପୁଣି କେବେ ବସ୍ ଭିତରେ ଠେଲାପେଲା ଭଳି ଅବସ୍ଥା । କିନ୍ତୁ ଚଳିତ ବର୍ଷ ପ୍ରତ୍ୟେକ ବସଷ୍ଟାଣ୍ତରେ ଧାର୍ଯ୍ୟ ହୋଇଥିବା ବସଭଡାର ସୂଚନା ଫଳକ ରହିବ । ଯାତ୍ରୀମାନଙ୍କ ବିଶ୍ରାମ ପାଇଁ ସବୁଠାରେ ବନ୍ଦୋବସ୍ଥ କରାଯିବା ସହିତ ସେମାନଙ୍କୁ ଦହିପାଣି କିମ୍ବା ଥଣ୍ତା ପାନୀୟ ଯୋଗାଇ ଦେବାକୁ ବିଭିନ୍ନ ଘରୋଇ ବସ୍ ମାଲିକ ସଂଘ ନିଷ୍ପତ୍ତି ନେଇଛନ୍ତି । ଖାସ୍ କରି କଟକରେ ଶହେ ଯାତ୍ରୀ ଏକକାଳୀନ ବିଶ୍ରାମ ନେବାର ବନ୍ଦୋବସ୍ଥ କରିଛି ସ୍ଥାନୀୟ ଘରୋଇ ବସ୍ ମାଲିକ ସଂଘ । ଯାତ୍ରୀ ପରିବହନ କ୍ଷେତ୍ରରେ କୌଣସି ଅସୁବିଧା ହେବନାହିଁ ବୋଲି କଟକ ଘରୋଇ ବସ୍ ମାଲିକ ସଂଘ ଏକ ପ୍ରକାର ପ୍ରତିଶ୍ରୁତି ଦେଇଛି ।

ଯାତ୍ରୀ ପରିବହନ ବ୍ୟବସ୍ଥାକୁ ଶୃଙ୍ଖଳିତ କରିବା ଲାଗି ରାଜ୍ୟର ବିଭିନ୍ନ ସ୍ଥାନରେ ୨୫ଟି ଏନଫୋର୍ସମେଣ୍ଟ ସ୍କ୍ବାଡ୍ ରହିବେ । ଏହ ସହିତ ବ୍ୟବସ୍ଥାକୁ ତନଖି କରିବା ଲାଗି ୬ଜଣ ଡେପୁଟି କମିଶନର ବିଭିନ୍ନ ସ୍ଥାନରେ ମୁତୟନ ହେବେ ବୋଲି ପରିବହନ ବିଭାଗ ପକ୍ଷରୁ କୁହାଯାଇଛି ।

You Can Read :

   Related Posts