scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଦେଶରେ ଓମିକ୍ରନ୍‌ ନେଲା ଆଉ ଏକ ଜୀବନ : ହୁ ହୁ ହୋଇ ବଢୁଛି ସଂକ୍ରମଣ, ଏବେଠୁ ସତର୍କ ନରହିଲେ ଆଗକୁ ସ୍ଥିତି ସାଂଘାତିକ

31/12/2021 at 3:58 PM

ଉଦୟପୁର ୩୧/୧୨ : ମହାରାଷ୍ଟ୍ର ପରେ ଏବେ ଉଦୟପୁରରେ ଆଉଜଣେ ଓମିକ୍ରନ୍‌ ଭ୍ୟାରିଆଣ୍ଟ ଆକ୍ରାନ୍ତଙ୍କ ମୃତ୍ୟୁ ଘଟିଛି । ଉଦୟପୁରରେ ଜଣେ ୭୩ ବର୍ଷ ବୟସ୍କ ବ୍ୟକ୍ତିଙ୍କ ମୃତ୍ୟୁ ଘଟିଛି । ମୃତକଜଣକ ଡିସେମ୍ବର ୧୪ ତାରିଖରେ କରୋନାରେ ଆକ୍ରାନ୍ତ ହେବାପରେ ତାଙ୍କର ଜେନମ୍‌ ସିକ୍ବେନ୍ସିଂ କରାଯାଇଥିବା । ପରେ ଜଣାପଡିଥିଲା ଯେ, ବ୍ୟକ୍ତିଜଣକ ଓମିକ୍ରନ୍‌ରେ ଆକ୍ରାନ୍ତ ହୋଇଛନ୍ତି । ଅବଶ୍ୟ ମୃତକଙ୍କ କରୋନା ରିପୋର୍ଟ ପୂର୍ବରୁ ନେଗେଟିଭ ଆସିଥିଲା । ତେବେ ଓମିକ୍ରନ୍‌ରେ ଆକ୍ରାନ୍ତ ହେବାପରେ ପୋଷ୍ଟ କୋଭିଡ କଂପ୍ଲିକେସନ୍‌ କାରଣରୁ ତାଙ୍କର ମୃତ୍ୟୁ ହୋଇଥିବା ଡାକ୍ତର କହିଛନ୍ତି ।

ସିଏମ୍‌ଏଚ୍‌ଓ ଡାକ୍ତର ଖରାଡି କହିଛନ୍ତି, ଶୁକ୍ରବାର ସକାଳେ ହିଁ ଉକ୍ତ ବ୍ୟକ୍ତିଙ୍କର ମୃତ୍ୟୁ ଘଟିଛି । ଗତ ୧୦ ଦିନ ହେଲା ସେ ହସ୍ପିଟାଲରେ ଚିକିତ୍ସିତ ହେଉଥିଲେ ଏବଂ ଗତ ୪ ଦିନହେଲା ସେ ଆଇସିୟୁରେ ଥିଲେ । ଓମିକ୍ରନ୍‌ ଭ୍ୟାରିଆଣ୍ଟ ଚିହ୍ନଟ ହେବାପ​‌ରେ ତାଙ୍କ ଦୁଇଥର କରୋନା ରିପୋର୍ଟ ନେଗେଟିଭ୍‌ ଆସିଥିଲା । ଚିକିତ୍ସା କରୁଥିବା ଡାକ୍ତର କହିଛନ୍ତି, ମୃତକ ବ୍ୟକ୍ତି ଡାଇବେଟିସ୍‌, ଉଚ୍ଚ ରକ୍ତଚାପରେ ପୀଡିତ ଥିଲେ ।

ସୂଚନାଯୋଗ୍ୟ, ଉଦୟପୁରରେ ୬ ଦିନ ପୂର୍ବରୁ ୩ ଜଣ ବ୍ୟକ୍ତିଙ୍କର କରୋନା ରିପୋର୍ଟ ପଜିଟିଭ ଆସିଥିଲା । ପରେ ସେମାନଙ୍କ ଜେନମ୍‌ ସିକ୍ବେନ୍ସିଂ ପରେ ଓମିକ୍ରନ୍‌ ଭ୍ୟାରିଆଣ୍ଟ ମିଳିଥିଲା । ସେମାନଙ୍କ ମଧ୍ୟରୁ ଜଣେ ୪୮ ବର୍ଷୀୟ ବ୍ୟକ୍ତି ନାଇଜେରିଆରୁ ଫେରିଥିଲେ । ପରେ ତାଙ୍କ ସଂସ୍ପର୍ଶରେ ଆସି ଆଉ ୨ ଜଣ ଓମିକ୍ରନରେ ଆକ୍ରାନ୍ତ ହୋଇଥିଲେ । ସେମାନଙ୍କ ମଧ୍ୟରୁ ୨ ଜଣଙ୍କର ରିପୋର୍ଟ ନେଜେଟିଭ ଆସିଥିବା ବେଳେ ଆଜି ସକାଳେ ଜଣଙ୍କର ମୃତ୍ୟୁ ଘଟିଛି । ମୃତକ ଅନ୍ୟ କେଉଁ ଦେଶରୁ ଫେରିନଥିଲେ ବରଂ ଅନ୍ୟଜଣଙ୍କ ସଂସ୍ପର୍ଶରେ ଆସି ପଜିଟିଭ ହୋଇଥିଲେ ।

ସବୁଠାରୁ ବଡ କଥା ହେଉଛି ମୃତକଜଣକ କରୋନାର ଉଭୟ ଡୋଜ୍‌ ଟିକାନେଇସାରିଥିଲେ । ପୂର୍ବରୁ ମହାରାଷ୍ଟ୍ରରେ ମଧ୍ୟ ଆଜି ସକାଳେ ଜଣେ ଓମିକ୍ରନ୍‌ ଆକ୍ରାନ୍ତଙ୍କ ମୃତ୍ୟୁ ଘଟିଥିଲା । ମୃତକଜଣକ ଗତ ମଙ୍ଗଳବାର ଓମିକ୍ରନ୍‌ରେ ଆକ୍ରାନ୍ତ ହୋଇଥିବା ନେଇ ଜଣାପଡିଥିଲା । ଏହା ସହିତ ସେ ଗତ ୧୩ ବର୍ଷହେଲା ଡାଇବେଟିସ୍‌ରେ ମଧ୍ୟ ପୀଡିତ ଥିଲେ ।

   Related Posts