scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଜାମ୍ବିଆ ରାଜଧାନୀ ଲୁସାକାରେ ଚାଞ୍ଚଲ୍ୟ, ବନ୍ଦ ଟ୍ରକ୍ ଭିତରୁ ୨୭ ମୃତଦେହ ଠାବ

12/12/2022 at 9:13 AM

ନୂଆଦିଲ୍ଲୀ: ଜାମ୍ବିଆରେ ଲୋମଟାଙ୍କୁରା ଘଟଣା । ଟ୍ରକ୍ ଭିତରୁ ୨୭ଜଣଙ୍କ ମୃତଦେହ ଠାବ । ବନ୍ଦ ଟ୍ରକ୍ ଭିତରେ ଅମ୍ଳଜାନ ଅଭାବରୁ ମୃତ୍ୟୁ ହୋଇଥିବା ଆଶଙ୍କା କରାଯାଇଛି । ଜାମ୍ବିଆର ରାଜଧାନୀ ଲୁସାକାରୁ ଶବ ଉଦ୍ଧାର କରିଛି ପୋଲିସ । ମୃତକମାନେ ଇଥିୟୋପିଆଇ ନାଗରିକ ବୋଲି ଜଣାପଡ଼ିଛି ।

ପୋଲିସ ଜନସମ୍ପର୍କ ଅଧିକାରୀଙ୍କ ସୂଚନା ଅନୁଯାୟୀ, ଜାମ୍ବିଆ ରାଜଧାନୀ ଲୁସାକାରୁ ରବିବାର ୨୭ଜଣଙ୍କ ମୃତଦେହ ଉଦ୍ଧାର ହୋଇଛି । କୁହାଯାଉଛି ଏମାନେ ସବୁ ଇଥିୟୋପିଆଇ ପ୍ରବାସୀ । ମୃତ ନାଗରିକଙ୍କ ବୟସ ୨୦ରୁ ୩୮ ବର୍ଷ ମଧ୍ୟରେ ହେବ। ଅଜଣା ଲୋକଙ୍କ ମୃତଦେହ ଲୁସାକାର ଏନଜିବିରିର ଅଞ୍ଚଳରେ ଟ୍ରକ୍ ଭିତରେ ପଡ଼ିଥିବାର ସ୍ଥାନୀୟ ଲୋକ ଦେଖି ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଟ୍ରକ୍ ଭିତରୁ ମୃତଦେହ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ପଠାଇଛି । ତେବେ ଟ୍ରକ୍ ଭିତରେ ଅଣନିଶ୍ବାସୀ ହୋଇ ସମସ୍ତଙ୍କ ମୃତ୍ୟୁ ହୋଇଥିବା ଅନୁମାନ କରିଛି ପୋଲିସ ।

ପୋଷ୍ଟମର୍ଟମ ପାଇଁ ସମସ୍ତ ଶବକୁ ୟୁନିଭରସିଟି ଟିଚିଂ ହସପିଟାଲକୁ ନିଆଯାଇଛି । ପୋଲିସ ଏହି ଘଟଣାରେ ତଦନ୍ତ କରୁଛି । ଦୁର୍ଘଟଣା ଜନିତ ମୃତ୍ୟୁ ନା ହତ୍ୟା କରାଯାଇଛି ସେନେଇ ତନତନ ଯାଞ୍ଚ କରୁଛି ପୋଲିସ । ଅନ୍ୟପଟେ ଟ୍ରକ୍ ମଧ୍ୟରୁ ଗୁରୁତର ଅବସ୍ଥାରେ ଜଣଙ୍କୁ ଉଦ୍ଧାର କରାଯାଇଛି । ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଥିବା ପୋଲିସ । ଯୁବକଙ୍କ ଜଣକ ସୁସ୍ଥ ହେବା ପରେ ୨୭ଜଣଙ୍କ ମୃତ୍ୟୁର ପ୍ରକୃତ କାରଣ ଜଣାପଡ଼ିବ ।   

   Related Posts