scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ସଂଖ୍ୟାଲଘୁ ଛାତ୍ରବୃତ୍ତି ଯୋଜନାରେ ବଡ଼ ଘୋଟାଲା; ୨୫ ଲକ୍ଷ ଆବେଦନରୁ ୨୬% ଜାଲ୍

1/12/2023 at 9:10 AM

ନୂଆଦିଲ୍ଲୀ: ସଂଖ୍ୟାଲଘୁ ଶିକ୍ଷାନୁଷ୍ଠାନ ଛାତ୍ରବୃତ୍ତି ଯୋଜନାରେ ବଡ଼ ଘୋଟାଲା । ୨୦୨୩ ଆର୍ଥିକ ବର୍ଷରେ ବହୁ ପରିମାଣରେ ଜାଲ୍ ଆବେଦନ ହୋଇଥିବା ଜଣାପଡ଼ିଛି । ବିଭିନ୍ନ ରାଜ୍ୟରେ ଚଳିତ ବର୍ଷ ପ୍ରାୟ ୨୫.୫ ଲକ୍ଷ ସଂଖ୍ୟାଲଘୁ ଛାତ୍ରଛାତ୍ରୀଙ୍କୁ ଆବେଦନ କରିଥିଲେ । ଜାଗଜପତ୍ର ଯାଞ୍ଚ ବେଳେ ଚାଞ୍ଚଲ୍ୟ ତଥ୍ୟ ସାମ୍ନାକୁ ଆସିଛି । ଆଧାର ବାୟୋମେଟ୍ରିକରେ ପ୍ରାୟ ୬.୭ ଲକ୍ଷ ଛାତ୍ରଛାତ୍ରୀ ଜାଲ୍ କାଗଜପତ୍ର ଦେଇ ଆବେଦନ କରିଥିବା ଜଣାପଡ଼ିଛି । ସୂଚନା ଅନୁଯାୟୀ, ଏକ ଲକ୍ଷ ସଂସ୍ଥାର ନୋଡାଲ ଅଧିକାରୀ ଏବଂ ସମାନ ସଂଖ୍ୟାରେ ସଂସ୍ଥା ପ୍ରମୁଖ ଛାତ୍ରବୃତ୍ତି ଆବେଦନକୁ ପ୍ରମାଣିତ କରିଛନ୍ତି । ଏମାନଙ୍କ ମଧ୍ୟରୁ ୫, ୪୨୨ ଆଇଏନଓ ଏବଂ ୪, ୮୩୪ଏଚଓଆଇ ବାୟୋମେଟ୍ରିକ୍ ଯାଞ୍ଚ ବେଳେ ଗାଏବ୍ ରହିଥିଲେ ।

ସୂଚନା ଅନୁଯାୟୀ, ଛାତ୍ରବୃତ୍ତି କାଗଜପତ୍ରର ଯାଞ୍ଚ ଶେଷ ହେବା ପରେ ଶିକ୍ଷା ମନ୍ତ୍ରାଳୟ ଦ୍ବାରା  ମୋଟ୍ ୧୮.୮ ଲକ୍ଷ ଆବେଦନକାରୀଙ୍କ କାଗଜପତ୍ର ଠିକ୍ ଥିବା ପ୍ରମାଣିତ ହୋଇଛି । ଯାଞ୍ଚରେ ଜଣାପଡ଼ିଛି ୨୦୨୨-୨୩ରେ ନବୀକରଣ କରିଥିବା ୩୦ ପ୍ରତିଶତ ଆବେଦନକାରୀଙ୍କ ଆବେଦନ ଜାଲ୍ ପ୍ରମାଣିତ ହୋଇଛି ।  ସେହିପରି ୨୦୨୧-୨୨ରେ ମନ୍ତ୍ରାଳୟକୁ ୩୦ ଲକ୍ଷ ଛାତ୍ରବୃତ୍ତି ଆପ୍ଲିକେସନ ମିଳିଛି । ଏଥିରୁ ୯.୧ ଲକ୍ଷ ଆପ୍ଲିକେସନ ନବୀକରଣ ହୋଇଛି ।  

ଏହି ଛାତ୍ରବୃତ୍ତି  ସଂସ୍ଥାର ନୋଡାଲ ଅଧିକାରୀଙ୍କ ଦ୍ବାରା ଯାଞ୍ଚ ହେବା ପରେ ଜିଲ୍ଲା ସ୍ତରରେ ଥିବା ସଂଖ୍ୟାଲଘୁ ନୋଡାଲ ଅଧିକାରୀ ଦ୍ବାରା ଅନୁମୋଦିତ ହୋଇ ଯାଞ୍ଚ ହୋଇଥାଏ । ପରେ ଏହାକୁ ଛାତ୍ରଛାତ୍ରୀଙ୍କ ବ୍ୟାଙ୍କ ଆକାଉଣ୍ଟକୁ ଡିବିଟି ମାଧ୍ୟମରେ ଛାତ୍ରବୃତ୍ତି ଟଙ୍କା ଯାଇଥାଏ । ତେବେ ଏହି ଘୋଟଲାର ତଦନ୍ତ ଦାୟିତ୍ବ ସିବିଆଇକୁ ଦିଆଯିବ ବୋଲି ଜଣାପଡ଼ିଛି । କେନ୍ଦ୍ରୀୟ ଯାଞ୍ଚ ଏଜେନ୍ସି ପୂର୍ବରୁ ସଂଖ୍ୟାଲଘୁ ଛାତ୍ରବୃତ୍ତିରେ ଗମ୍ଭୀର ଅନିୟମିତତାର ଯାଞ୍ଚ କରୁଛି । ଏବେ ଏହି ମାମଲା ଉପରୁ ପରଦା ହଟିବ । ତେବେ ଏଥିରେ କେଉଁ କେଉଁ ମାନେ ଜଡ଼ିତ ରହିଛନ୍ତି ତାହା ସାମ୍ନାକୁ ଆସିବ ।

ଟାଇମ୍ ଅଫ୍ ଇଣ୍ଡିଆ ରିପୋର୍ଟ ମୁତାବକ, ଜାତୀୟ ଛାତ୍ରବୃତ୍ତି ପୋର୍ଟାଲରେ ରେଜିଷ୍ଟ୍ରେସନ ହୋଇଥିବା ୧୫୭୨ ସଂଖ୍ୟାଲଘୁ ସଂସ୍ଥାର ଯାଞ୍ଚରୁ ଜଣାପଡ଼ିଛି ଯେ, ଏଥିରେ ୮୩୦ରୁ ଅଧିକ ଜାଲ୍ ଲାଭାର୍ଥୀ ରହିଛନ୍ତି । ଫଳରେ ମନ୍ତ୍ରାଳୟ ଏହାର ଯାଞ୍ଚ୍ ଦାତିୟ୍ବ ସିବିଆଇ ଦେଇଥିଲା । ୨୦୧୭-୧୮ରୁ ୨୦୨୧-୨୨ ଆର୍ଥିକ ବର୍ଷ ମଧ୍ୟରେ ଆବେଦନ କରିଥିବା ବିଭିନ୍ନ ଶ୍ରେଣୀର ଛାତ୍ରଛାତ୍ରୀଙ୍କ ଆକାଉଣ୍ଟକୁ ୧୪୫କୋଟି ଟଙ୍କା ଦିଆଯାଇଛି ।  

   Related Posts