ମୁମ୍ୱାଇ ୩୧/୦୫: ମହାରାଷ୍ଟ୍ର ରାଜନୀତିରେ ପୁଣି ସୃଷ୍ଟି ହୋଇପାରେ ହଟଚମଟ । ସିନ୍ଦେ ଗୋଷ୍ଠୀ ହାତ ଛାଡିପାରନ୍ତି ୨୨ ବିଧାୟକ । ଏହି ୨୨ ଜଣ ବିଧାୟକ ସିନ୍ଦେ ଗୋଷ୍ଠୀରେ ରହି ଖୁସି ନଥିବା ନେଇ ଶିବସେନା ମୁଖପତ୍ରିକା ସାମ୍ନାର ସମ୍ପାଦକୀୟ ଜରିଆରେ ପ୍ରକାଶ ପାଇଛି । ଖାଲି ସେତିକି ୯ ଜଣ ସାସଂଦ ମଧ୍ୟ ଦଳ ମଧ୍ୟରେ ନିଶ୍ୱାସ ନେଇପାରୁନଥିବା ସ୍ଥାନୀତ ହୋଇଛି ।

#WATCH मुंबई: महाराष्ट्र के उपमुख्यमंत्री देवेंद्र फडणवीस महाराष्ट्र के मुख्यमंत्री एकनाथ शिंदे से मिलने उनके वर्षा बंगले पहुंचे। pic.twitter.com/SDsVSvm158

— ANI_HindiNews (@AHindinews) May 30, 2023

ବିଧାୟକ ଓ ସାଂସଦ ମାନଙ୍କୁ ସାବତ ସନ୍ତାନ ପରି ସେମାନଙ୍କୁ ବ୍ୟବହାର କରାଯାଉଛି ବୋଲି ଦାବି କରାଯାଇଛି । ଯାହାପରେ ରାଜ୍ୟରାଜନୀତି ସରଗରମ ହୋଇଛି । ଏମିତିକି କେତେବେଳେ ବି ସେମାନେ ଦଳ ଛାଡିପାରନ୍ତି ବୋଲି ଆଲେଖ୍ୟରେ ପ୍ରକାଶ ପାଇଛି । ୨୦୧୯ ମସିହାରେ ମଧ୍ୟ ସମାନ କାରଣ ପାଇଁ ବିଜେପି ହାତ ଛାଡିଥିଲା ଉଦ୍ଧବ ଠାକରେଙ୍କ ନେତୃତ୍ୱାଧିନ ଶିବସେନା ।

ଯାହାପରେ ଶିବସେନା କଂଗ୍ରେସ ଓ ଏନସିପି ସହାୟତାରେ ସରକାର ଗଢିଥିଲା । ମହାରାଷ୍ଟ୍ରରେ ଏବେ ଉଦ୍ଧବ ଠାକରେଙ୍କ ନିକଟରୁ ଉଭୟ ଶିବସେନା ନାଁ ଓ ଚିହ୍ନ ଚାଲିଯାଇଛି । ଏହାରିଭିତରେ ସିନ୍ଦେ ଗୋଷ୍ଠୀର ହଲଚଲ ଉଦ୍ଧବ ଗୋଷ୍ଠୀଙ୍କୁ ସାମାନ୍ୟ ଖୁସି ଦେଇଛି । ଦେଖିବାକୁ ବାକି ରହିଲା ଆଗାମୀ ଦିନରେ ମହାରାଷ୍ଟ୍ର ରାଜନୀତିର ଗତି କୁଆଡେ ଯାଉଛି ।