ମୁମ୍ବାଇ ୧୬।୦୧ : ୨୦୧୧ ବିଶ୍ୱକପ୍ । ଏମିତି ଏକ ବିଶ୍ୱକପ୍ । ଯେଉଁଥିରେ ଅନେକ ନୂଆ ନୂଆ ରେକର୍ଡ ସୃଷ୍ଟି ହୋଇଥିଲା । ତେବେ ଆଜି ଆମେ ଯେଉଁ ବିରଳ ରେକର୍ଡ ବିଷୟରେ କଥା ହେବା । ତାହା ଆଉ କୌଣସି କଥା ନୁହେଁ, ବରଂ ୨୦୧୧ ବିଶ୍ୱକପ୍ ଫାଇନାଲରେ ପଡିଥିବା ୨ ଥର ଟସ୍ ବିଷୟରେ । ଭାରତ-ଶ୍ରୀଲଙ୍କା ନିଜ ନିଜ ସେମିଫାଇନାଲ ମ୍ୟାଚ୍ ଜିତି ଫାଇନାଲରେ ଏଣ୍ଟ୍ରି କରିଥିଲେ । ଉଭୟ ଏସୀୟ ଟିମ୍ ପୁରା ବିଶ୍ୱକପ୍ରେ ଜୋରଦାର ପ୍ରଦର୍ଶନ କରିଥିଲେ । ଆଉ ଶେଷରେ ଆସିଲା ଫାଇନାଲ ମ୍ୟାଚ୍ର ସମୟ। ମୁମ୍ବାଇର ଓ୍ୱାଙ୍ଖେଡ ଷ୍ଟାଡିୟମ୍ ବି ପୁରା ଥିଲା ପ୍ରସ୍ତୁତ । ୨ ଏପ୍ରିଲ୍ ୨୦୧୧ ଦିନ ଥିଲା ଫାଇନାଲ ଲଢେଇ । ପୂର୍ବ ସମୟ ମୁତାବିକ ଉଭୟ ଦଳର ଅଧିନାୟକ ଟସ୍ ଲାଗି ପଡିଆକୁ ଆସିଥିଲେ । ମ୍ୟାଚ୍ ରେଫରୀ ଟସ୍ ପାଇଁ ଧୋନିଙ୍କୁ ନିମନ୍ତ୍ରଣ କରିଥିଲେ । ବାକି ଶ୍ରୀଲଙ୍କାର ଅଧିନାୟକ କୁମାର ସାଙ୍ଗାକାରାଙ୍କ କଲ୍ ଥିଲା । ହେଲେ ସାଙ୍ଗାକାରାଙ୍କ କଲ୍ଟି ଠିକ୍ ଭାବେ ଧୋନିଙ୍କୁ ଶୁଣାଯାଇନଥିଲା । ବିଶ୍ୱକପ ଫାଇନାଲ ମ୍ୟାଚ୍ ଦେଖିବାକୁ ଷ୍ଟାଡିୟମ୍ରେ ଫ୍ୟାନ୍ସମାନେ ଭର୍ତ୍ତି ହୋଇଥିଲା । ଖୁବ୍ ଜୋରରେ ପାଟି ମଧ୍ୟ କରୁଥିଲେ । ଯାହାଫଳରେ ଧୋନିଙ୍କୁ ସାଙ୍ଗାକାରାଙ୍କ କଲ୍ଟି ଶୁଭାଯାଇନଥିଲା ।ଶେଷରେ ଧୋନି ଆଉ ଥରେ ସାଙ୍ଗାକାରାଙ୍କୁ ଟସ୍ ପକାଇବାକୁ ଅନୁରୋଧ କରିଥିଲେ । ସାଙ୍ଗାକାରା ମଧ୍ୟ ଧୋନିଙ୍କ ପ୍ରସ୍ତାବରେ ରାଜି ହୋଇଥିଲା । ଏବଂ ଆଉ ଥରେ ଟସ୍ ପଡିଥିଲେ ।
ତେବେ ଫାଇନାଲ୍ ମ୍ୟାଚ୍ ଦୁଇ ଥର ଟସ୍ ପଡିବା ନେଇ ଖୁବ୍ ବିବାଦ ହୋଇଥିଲା । ଏପିରିକି ଶ୍ରୀଲଙ୍କାରେ କିଛି କ୍ରୀଡା ବିଶେଷଜ୍ଞ ଏହାକୁ ମ୍ୟାଚ୍ ଫିକ୍ସିଂ ବୋଲି କହିଥିଲେ । ଯାହାକୁ ନେଇ ଆଇସିସି ଓ ଶ୍ରୀଲଙ୍କା ବୋର୍ଡ ବି ତଦନ୍ତ କରିଥିଲେ । ଯେଉଁଥିରେ କ୍ଲିନ୍ ଚିଟ୍ ଦେଇଥିଲେ । ଧୋନି ଓ ସାଙ୍ଗାକାରା ମଧ୍ୟ ଏହି କଥାକୁ ନେଇ ସଫେଇ ଦେଇଥିଲେ । ଯାହାପରେ ବିବାଦ ଥମିଥିଲା ।
ସୂଚନାଯୋଗ୍ୟ ଯେ, କପିଲ ଦେବଙ୍କ ଅଧିନାୟକତ୍ୱରେ ଭାରତୀୟ ଟିମ୍ ୧୯୮୩ରେ ପ୍ରଥମ ବିଶ୍ୱକପ୍ ଟ୍ରଫି ଜିତିଥିଲା। ଏହାପରେ ୨୦୧୧ରେ ମହେନ୍ଦ୍ର ସିଂହ ଧୋନିଙ୍କ ନେତୃତ୍ୱରେ ୨ୟ ଥର ପାଇଁ ବିଶ୍ୱକପ୍ ଟ୍ରଫି ଜିତିଥିଲା ଭାରତ।
