scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

କେରଳ ବନ୍ୟାରେ ୨୦ ହଜାର କୋଟି ଟଙ୍କାର କ୍ଷତି

20/08/2018 at 6:20 AM

ବର୍ଷା କମିଛି, ବନ୍ୟା ଛିଣ୍ଡୁଛି, ହେଲେ ଦୁର୍ଦ୍ଦଶା ବଢ଼ି ବଢ଼ି ଚାଲିଛି । ଶତାବ୍ଦୀର ସବୁଠାରୁ ପ୍ରଳୟଙ୍କରୀ ବନ୍ୟାରେ କେରଳ ଆଉ କେରଳ ହୋଇ ନାହିଁ । ୩ ଶହରୁ ଅଧିକ ଲୋକଙ୍କ ଜୀବନ ନେଇଛି ବନ୍ୟା । ଏବେ ବି କେତେକ ସ୍ଥାନରୁ କିଛି କିଛି ମୃତଦେହ ମିଳିବାରେ ଲାଗିଛି । ଲକ୍ଷ ଲକ୍ଷା ଲୋକ ରିଲିଫ୍ କ୍ୟାମ୍ପରେ ଅଛନ୍ତି । ତଥାପି ସରିନ ଉଦ୍ଧାର । ଦେଶ, ବିଦେଶରୁ ଆର୍ଥିକ ସହାୟତା ସହ ରିଲିଫ୍ ସାମଗ୍ରୀ ପହଞ୍ଚିବାରେ ଲାଗିଛି । ବନ୍ୟାରେ ରାଜ୍ୟର ପ୍ରାୟ ୨୦ ହଜାର କୋଟି ଟଙ୍କା କ୍ଷତି ହୋଇଛି ।

କେରଳ ଆଉ କେରଳ ହୋଇ ନାହିଁ । ପ୍ରଳୟଙ୍କରୀ ବନ୍ୟାରେ ସମ୍ପୂର୍ଣ୍ଣ ଉଜୁଡ଼ି ଯାଇଛି ଗଡସ୍ ଓନ୍ କଂଣ୍ଟ୍ରି । ବର୍ଷା କମିଥିବା ବେଳେ ବନ୍ୟା ପାଣି ଛିଣ୍ଡୁଛି । ଏବେ ବି ଅନେକ ସ୍ଥାନରେ ଜମି ରହିଛି ବନ୍ୟା ପାଣି । ଆଉ ଏବେ ବି ଫସି ରହିଛି ଅନେକ ଲୋକ । ବର୍ଷା କମିଥିବା ବେଳେ ଉଦ୍ଧାର କାମକୁ ଜୋରଦାର କରାଯାଇଛି । ସେନା ସହ ଏନଡିଆରଏଫ୍, ବିଭିନ୍ନ ରାଜ୍ୟରୁ ଆସିଥିବା ଅଗ୍ନିଶମ ବାହିନୀ ଉଦ୍ଧାର କାମରେ ମାତିଛନ୍ତି । ରବର୍ ବୋଟ୍ ଏବଂ ହେଲିକପ୍ଟର ଜରିଆରେ ଲୋକଙ୍କୁ ସୁରକ୍ଷିତ ସ୍ଥାନକୁ ଅଣାଯାଉଛି । କେରଳ ମତ୍ସ୍ୟଜୀବୀ ହିଁ ପାଲଟିଛନ୍ତି ହିରୋ । ପିଇବା ପାଣି ବଡ଼ ସମସ୍ୟା । ଏ ପର୍ଯ୍ୟନ୍ତ କୌଣସି ସଂକ୍ରାମକ ରୋଗ ଦେଖାଦେଇନି । ରାଜ୍ୟରେ ୩ ହଜାର ୭ ଶହଟି ହଲ୍ଥ କ୍ୟାମ୍ପ ଖୋଲାଯାଇ ବନ୍ୟା ପ୍ରଭାବିତଙ୍କୁ ପ୍ରତିଷେଧମୂଳକ ଚିକିତ୍ସା ସେବା ଯୋଗାଇ ଦିଆଯାଉଛି ବନ୍ୟା ପାଣି କମୁଛି ସତ, ହେଲେ ଲୋକଙ୍କ ଦୁର୍ଦ୍ଦଶା ବଢ଼ିଯାଇଛି । ବର୍ତ୍ତମାନ ସୁଦ୍ଧା ସରକାରୀ ଭାବେ ୩ ଶହରୁ ଅଧିକ ଲୋକ ପ୍ରାଣ ହରାଇଥିବା ବେଳେ ଏବେ ବି କେତେକ ସ୍ଥାନରେ ପାଣିରୁ ମିଳୁଛି କିଛି କିଛି ମୃତଦେହ । ଭୋକ ଉପାସରେ ପଡ଼ି ରହିଥିବା ଲୋକଙ୍କୁ ରିଲିଫ୍ ସାମଗ୍ରୀ ଯୋଗାଇ ଦିଆଯାଉଛି । ଆକାଶ ମାର୍ଗରୁ ସେମାନଙ୍କ ପାଖକୁ ପକାଯାଉଛି ଖାଦ୍ୟ ପୁଡ଼ିଆ । ଦେଶ ବିଦେଶରୁ ରିଲିଫ୍ ଏବଂ ଆର୍ଥିକ ସହୟତା ବଢ଼ି ଚାଲିଛି । ହେଲେ କେରଳରେ ପୁନଃ ନିର୍ମାଣର ଆବଶ୍ୟକ କରୁଥିବା କହିଛନ୍ତି କେନ୍ଦ୍ରମନ୍ତ୍ରୀ କେ. ଜେ. ଆଲଫନ୍ସ । ବନ୍ୟା ଯୋଗୁଁ ରାଜ୍ୟରେ ପାଖାପାଖି ୨୦ ହଜାର କୋଟି ଟଙ୍କା କ୍ଷତି ହୋଇଛି । ବହୁ ଘରଦ୍ବାର ଭାଙ୍ଗି ଯାଇଛି । ତେଣୁ ଏଭଳି ସ୍ଥିତିରେ ପୁନଃ ନିର୍ମାଣ କାମ ପାଇଁ ଦେଶ-ବିଦେଶରୁ ବୈଷୟିକ ସହାୟତା ଲୋଡ଼ିଛନ୍ତି କେ. ଜେ. ଆଲଫନ୍ସ ।

୧୯୨୪ ପରେ କେରଳ ଦେଖିଲା ଭୟଙ୍କର ବନ୍ୟା । ସେତେବେଳେ ଲଗାତାର ୩ ସପ୍ତାହ ଧରି ହୋଇଥିଲା ବର୍ଷା । ଆଉ ଏବେ ଦୁଇ ସପ୍ତାହରେ ରାଜ୍ୟର ହାଲ୍ ବେହାଲ୍ ହୋଇଯାଇଛି । ଅଗଷ୍ଟ ୮ରୁ ଅଗଷ୍ଟ ୧୫ ମଧ୍ୟରେ ରାଜ୍ୟରେ ଅଢେଇ ଶହ ପ୍ରତିଶତ ଅଧିକ ବର୍ଷା ହୋଇଛି । ପ୍ରାୟ ସବୁ ନଦୀ କୂଳ ଖାଉଛି । ୩୫ଟି ଡ୍ୟାମରେ ଜଳସ୍ତର ଥିବା ବିପଦ ସଙ୍କେତ ଉପରେ ଥିବାରୁ ସେସବୁରୁ ଗେଟ୍ ଖୋଲାଯିବ, ତେଣୁ ପରିସ୍ଥିତି ଆହୁରି ବିଗିଡ଼ିବା ଆଶଙ୍କା କରାଯାଉଛି । କେରଳ ପାଇଁ ଭାରତୀୟ ପାଣିପାଗ ବିଭାଗ, ଜାରି କରିଥିବା ରେଡ୍ ଆଲର୍ଟ ହଟାଇ ଦେଇଛି । ତେବେ କିଛି ଅଞ୍ଚଳ ପାଇଁ ଅରେଞ୍ଜ ଏବଂ ୟେଲୋ ଆଲର୍ଟ ଏବେ ବି ଜାରି ରହିଛି । ବ୍ୟୁରୋ ରିପୋର୍ଟ, ନ୍ୟୁଜ୍ ସେଭେନ୍ ।

   Related Posts