ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର: କୋର୍ଟରେ ଜଜ୍‌ଙ୍କୁ ଛୁରାମାଡ ଉଦ୍ୟମ, କାବୁ କଲା ପୋଲିସ
  • ||
  • ଭୁବନେଶ୍ୱର: ICMRର ପରାମର୍ଶ, ସାମାନ୍ୟ ଜ୍ୱର ହେଲେ ଖାଅନି ଆଣ୍ଟିବାୟୋଟିକ୍
  • ||
  • ଶିକ୍ଷକ ନିଯୁକ୍ତି ପ୍ରସଙ୍ଗରେ ଗୃହରେ ହଙ୍ଗାମା, ଗୃହ ମୁଲତବୀ କଲେ ବାଚସ୍ପତି
  • ||
  • ପଦ୍ମପୁରରେ କେନ୍ଦ୍ରୀୟ ଟିମ୍‌ର ରେଡ୍, ୩ ବ୍ୟବସାୟୀଙ୍କ ଘରେ ଚଢାଉ
  • ||

୨କୋଟିରେ ନିର୍ମିତ ହୋଇଥିଲା ଚନ୍ଦ୍ରମୁଖୀର କୋଠା, ପାରୋ ପାଇଁ ଆସିଥିଲା ୬୦୦ ଶାଢୀ

13/07/2022 at 9:14 AM

ମୁମ୍ବାଇ ୧୩।୦୭: ବଲିଉଡ୍‌ରେ ଏପିରି କିଛି ଫିଲ୍ମ ଅଛି , ଯାହା ସବୁ ଦିନ ପାଇଁ ଦର୍ଶକଙ୍କ ମନରେ ସ୍ୱତନ୍ତ୍ର ଛାପ ଛାଡିଯାଇଥାଏ । ତାହା ମଧ୍ୟରୁ ସଞ୍ଜୟ ଲୀଲା ଭନସାଲୀଙ୍କ ନିର୍ଦ୍ଦେଶିତ ଫିଲ୍ମ ଦେବଦାସ୍‌ ଅନ୍ୟତମ । ଏହି ଫିଲ୍ମରେ ଶାହରୁଖ ଖାନ, ଐଶ୍ୱର୍ଯ୍ୟା ରାୟ ଏବଂ ମାଧୁରୀ ଦୀକ୍ଷିତଙ୍କ ତ୍ରିକୋଣୀୟ କାହାଣୀ ଦେଖିବାକୁ ମିଳିଥିଲା । ୨୦ ବର୍ଷ ପୂର୍ବେ ଆଜିର ଦିନରେ ‘ଦେବଦାସ’ ରିଲିଜ୍‌ ହୋଇଥିଲା । ଏହି ଫିଲ୍ମରେ ସମସ୍ତ କଳାକାରଙ୍କ ଅଭିନୟ ଦର୍ଶକଙ୍କୁ ବେଶ୍‌ ଆକର୍ଷିତ କରିଥିଲା।

‘ଦେବଦାସ’ ଚଳଚ୍ଚିତ୍ରରେ କେବଳ ଅଭିନେତାଙ୍କ ଅଭିନୟ ନୁହେଁ, ବରଂ ସେମାନେ ପିନ୍ଧିଥିବା ପୋଷାକ ମଧ୍ୟ ଦର୍ଶକଙ୍କୁ ବେଶ୍‌ ଦିୱାନା କରିଥିଲା। ୨୦ ବର୍ଷ ତଳେ ଆଜିକା ଦିନରେ ଅର୍ଥାତ୍ ଜୁଲାଇ ୧୩ ରେ ଏହି ଫିଲ୍ମ ରିଲିଜ ହୋଇଥିଲା । ଏବେ ଏହି ହିଟ୍‌ ଫିଲ୍ମକୁ ୨୦ବର୍ଷ ବିତିଗଲାଣି । ଏହି ଅବସରରେ, ଆମେ ଆପଣଙ୍କୁ ଫିଲ୍ମ ସହିତ ଜଡିତ କିଛି ଇଣ୍ଟରେସ୍‌ଷ୍ଟିଙ୍ଗ୍‌ କଥା କହିବାକୁ ଯାଉଛୁ । ଯେଉଁଥି ପାଇଁ ନିର୍ଦ୍ଦେଶକ ତଥା ମେକର୍ସମାନେ ଫିଲ୍ମ ପାଇଁ ସେଟରେ ପାଣି ପରି ଟଙ୍କା ଖର୍ଚ୍ଚ କରିଥିଲେ ।

ऐश्वर्या राय

ସଞ୍ଜୟ ଲୀଲା ଭନସାଲୀଙ୍କ ଦ୍ୱାରା ନିର୍ଦ୍ଦେଶିତ ଫିଲ୍ମ ‘ଦେବଦାସ’ ବଙ୍ଗୀୟ ଉପନ୍ୟାସକାର ସାରଚନ୍ଦ୍ର ଚଟ୍ଟୋପାଧ୍ୟାୟଙ୍କ ପ୍ରସିଦ୍ଧ ଉପନ୍ୟାସ ଉପରେ ଆଧାରିତ। ସେତେବେଳେ ଏହି ଫିଲ୍ମ ୫୦ କୋଟି ବଜେଟ୍ ପହଞ୍ଚିଥିଲା। ସୁଟିଂ ପାଇଁ ୬ଟି ଭିନ୍ନ ସେଟ୍ ପ୍ରସ୍ତୁତ କରାଯାଇଥିଲା, ଯେଉଁଥିରେ ୨୫୦୦ଲାଇଟ୍, ୭୦୦ ଲାଇଟ୍‌ ମ୍ୟାନ୍‌, ୪୨ ଜେନେରେଟର ଏବଂ ୩ ଲକ୍ଷ ୱାଟର ପାୱାର ସପ୍ଲାଏର ଲଗାଯାଇଥିଲା। ସାଧାରଣତ ଗୋଟିଏ ଫିଲ୍ମ ସୁଟିଂ ପାଇଁ ୨ ରୁ ୩ ଜେନେରେଟର ବ୍ୟବହାର କରାଯାଉଥିଲା । ହେଲେ ଏହି ଫିଲ୍ମ ପାଇଁ ପ୍ରତ୍ୟେକ ସେଟ୍ ଏତେ ବିଳାସପୂର୍ଣ୍ଣ ଥିଲା ଯେ ଦର୍ଶକଙ୍କ ଆଖି ମଧ୍ୟ ଝଲସି ଯାଉଥିଲା। ଆଶ୍ଚର୍ଯ୍ୟର କଥା ହେଉଛି ଏହି ଚଳଚ୍ଚିତ୍ରରେ ଚନ୍ଦ୍ରମୁଖୀଙ୍କ (ମାଧୁରୀ ଦୀକ୍ଷିତ) କୋଠା ୧୨ କୋଟିରେ ନିର୍ମିତ ହୋଇଥିବା ବେଳେ ପାରୋ (ଐଶ୍ୱର୍ଯ୍ୟା ରାୟ) ମହଲା ତିନି କୋଟିରେ ପ୍ରସ୍ତୁତ ହୋଇଥିଲା।

देवदास

ଯେହେତୁ ଏହି ଫିଲ୍ମର ସେଟ୍ ଏତେ ଗ୍ରାଣ୍ଡ୍ ଥିଲା କି ଷ୍ଟାର୍ କାଷ୍ଟଙ୍କ ପୋଷାକ ମଧ୍ୟ ଦର୍ଶକଙ୍କ ମଧ୍ୟରେ ଚର୍ଚ୍ଚାର ବିଷୟ ପାଲଟିଥିଲା ​​। ଏହି ଚଳଚ୍ଚିତ୍ରରେ ମାଧୁରୀ ‘କାହେ ଛେଢ ଛେଢ ମୋହେ’ରେ ସବୁଜ ରଙ୍ଗର ୩୦ କିଲୋର ଲେହେଙ୍ଗା ପିନ୍ଧିଥିଲେ, ଯାହା ପ୍ରସିଦ୍ଧ ଡିଜାଇନର୍ ସନ୍ଦୀପ ଘୋଷଲାଙ୍କ ଦ୍ୱାରା ନିର୍ମିତ ହୋଇଥିଲା । ପରେ ଏହି ଲେହେଙ୍ଗା ୧୬ କିଲୋରେ ପ୍ରସ୍ତୁତ କରାଯାଇଥିଲା ।

देवदास

ତେବେ ଅନ୍ୟପଟେ ପାରେ ଚରିତ୍ର ପାଇଁ ଐଶ୍ବର୍ଯ୍ୟା ମଧ୍ୟ ଏକରୁ ଅଧିକ ସୁନ୍ଦର ଶାଢୀ ପିନ୍ଧିଥିଲେ। ଭନସାଲୀ ଐଶ୍ୱର୍ଯ୍ୟାଙ୍କୁ ଫିଲ୍ମରେ ଏକ ସୁନ୍ଦର ରୂପ ଦେବାକୁ ଚାହୁଁଥିଲେ ଏବଂ ଏହି କାରଣରୁ ସେ ନୀତା ଲୁଲ୍ଲାଙ୍କୁ ଐଶ୍ୱର୍ଯ୍ୟାଙ୍କ ପୋଷାକର ଦାୟିତ୍ଵ ଦେଇଥିଲେ। ନୀଲା ଲୁଲ୍ଲା ଶାଢୀ କିଣିବା ପାଇଁ କୋଲକାତା ଯାଇଥିଲେ। ବହୁତ ବୁଲି ବୁଲି କୋଲକାତା ଠାରୁ ମୁମ୍ବାଇ ପର୍ଯ୍ୟନ୍ତ ପ୍ରାୟ ୬୦୦ ଶାଢୀ ମଗାଇଥିଲେ ।

देवदास में ऐश्वर्या के लुक्स

ଫିଲ୍ମଟି ସେହି ସମୟରେ ବ୍ଲକ୍‌ ବଷ୍ଟର ହେବା ପାଇଁ ଭନସାଲୀ ଅନ୍ଧ ଭାବରେ ଟଙ୍କା ଖର୍ଚ୍ଚ କରିଥିଲେ। କିନ୍ତୁ ଫିଲ୍ମର ବଜେଟ୍‌ ଏତେ ଉଚ୍ଚ ଥିଲା ଯେ ନିର୍ମାତାଙ୍କୁ ଅସୁବିଧାରେ ପକାଇଲା । ନିର୍ମାତା ଭାରତ ଶାହାଙ୍କ ଉପରେ ଅଭିଯୋଗ ହୋଇଥିଲେ ଯେ ଅଣ୍ଡରୱାର୍ଲ୍ଡ ଦ୍ୱାରା ଫିଲ୍ମରେ ଟଙ୍କା ଲଗାଯାଉଛି ଏବଂ ଏହି କାରଣରୁ ତାଙ୍କୁ ମଧ୍ୟ ଜେଲରେ ରହିବାକୁ ପଡିଥିଲା। ଭାରତ ପ୍ରାୟ ୧୬ମାସ ଜେଲରେ ଥିଲେ, ଯେଉଁଥିପାଇଁ ଫିଲ୍ମର ସୁଟିଂରେ ବ୍ରେକ୍ କରାଯାଇଥିଲା। କିନ୍ତୁ ଯେତେବେଳେ ସେ ଜେଲରୁ ବାହାରକୁ ଆସିଲେ, ଫିଲ୍ମର କାମ ପୁଣି ଥରେ ଆରମ୍ଭ ହେଲା। ଶେଷରେ ୨୦୦୨  ମସିହାରେ ଫିଲ୍ମ ରିଲିଜ୍‌ ହୋଇଥିଲା।

देवदास

ସଞ୍ଜୟ ଲୀଲାଙ୍କ ଭନସାଲୀଙ୍କ ଫିଲ୍ମ ରିଲିଜ ହେବା ମାତ୍ରେ ବକ୍ସ ଅଫିସରେ ଧମାଲ କରିବା ସହ ଆଇକନିକ୍‌ ଫିଲ୍ମ ଭାବରେ  ନାଁ କରିଥିଲା । ଏହି ଫିଲ୍ମ ଅନେକ ଆୱାର୍ଡ ଶୋ ପାଇଥିଲା । ସେଥି ମଧ୍ୟରୁ ୫ଟି ନ୍ୟାସନାଲ ଆୱାର୍ଡ ପାଇଥିବା ବେଳେ ୧୧ ଟି ଫିଲ୍ମଫେୟାର ଆୱାର୍ଡ ସହ ୧୬ଟି IIFA ଆୱାର୍ଡ ଜିତିଥିଲା ​​।

   Related Posts