କେନ୍ଦୁଝର ୨୪|୯: ଗୋରୁ ବେପାରୀଙ୍କ କବଳରୁ ୨ ଶିଶୁଙ୍କୁ ଉଦ୍ଧାର କଲେ ଗ୍ରାମବାସୀ । ଘଟଗାଁ ହରିଚନ୍ଦନପୁର ଥାନା ନନ୍ଦରା ଗାଁର ଘଟଣା । ଗ୍ରାମବାସୀ ହାତୀ ଘଉଡାଇବାକୁ ଗାଁ ମୁଣ୍ଡରେ ଜଗିଥିବାବେଳେ ୭ ଜଣ ଲୋକ ୩ଟି ବାଇକରେ ଆସି ଶିଶୁଙ୍କୁ ନେଇଯାଉଥିବାର ଦେଖିଥିଲେ । ପିଲାଚୋରି ସନ୍ଦେହ ହେବାରୁ ଗାଁ ଲୋକେ ସେମାନଙ୍କୁ ଅଟକାଇଥିଲେ । ଶିଶୁଙ୍କୁ ଜୋର ଜବରଦସ୍ତ ନେଇଯାଉଥିବା ଜାଣିବା ପରେ ଶିଶୁଙ୍କୁ ଉଦ୍ଧାର କରି ଗ୍ରାମବାସୀ ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ୭ ଜଣ ଗୋରୁ ବେପାରୀଙ୍କୁ ଗିରଫ କରିଛି । ଉଦ୍ଧାର ୨ ଶିଶୁ ତୁରୁମୁଙ୍ଗା ଥାନା ଜାମୁନାଳିଆ ଗାଁର ରାଜୁ ମୁଣ୍ଡା, ଦାଦୁଲୁ ମୁଣ୍ଡା । ଗୋରୁ ବେପାରୀମାନେ ତେଲକୋଇ ଥାନା କାଳିଆହତା ଅଞ୍ଚଳର ବୋଲି ଜଣାପଡିଛି ।