ଗ୍ରେଟର ନୋଏଡା ୨୪/୦୯ : ଉତ୍ତର ପ୍ରଦେଶ ଗ୍ରେଟର ନୋଏଡା ଦନକର ଥାନା ଅନ୍ତର୍ଗତ ଧନୌରୀ ଗାଁର ଏକ ଭିଡିଓ ଭାଇରାଲ ହୋଇଛି | ଭିଡିଓକୁ ସୋସିଆଲ ମିଡ଼ିଆରେ ଖୁବ ନିନ୍ଦା କରାଯାଇଛି । ଭିଡିଓରେ ଦୁଇ ପୁଅ ନିଜର ୭୦ ବର୍ଷ ବୟସ୍କ ବୃଦ୍ଧ ପିତାଙ୍କୁ ରାସ୍ତାରେ ଘୋସାଡୁଥିବା ଦେଖିବାକୁ ମିଳିଛି । ବୃଦ୍ଧ ଜଣକ ନିଜକୁ ଛଡ଼େଇବା ପାଇଁ ବହୁତ ଚେଷ୍ଟା କରୁଛନ୍ତି କିନ୍ତୁ ପୁଅମାନେ ତାଙ୍କୁ ମାରପିଟ କରୁଛନ୍ତି । ଭିଡିଓ ସୋସିଆଲ୍ ମିଡ଼ିଆରେ ଭାଇରାଲ ହେବାପରେ ପୋଲିସ ଦୁଇ ଅଭିଯୁକ୍ତ ପୁଅଙ୍କୁ ଗିରଫ କରି ୧୫୧ ଧାରା ଅନୁଯାୟୀ ମାଜିଷ୍ଟ୍ରେଟଙ୍କ ପାଖରେ ହାଜର କରିଛି ।
ସୋସିଆଲ ମିଡ଼ିଆରେ ଏହି ଭିଡିଓ ଖୁବ ଭାଇରାଲ ହେଉଛି । ଘଟଣା ସମୟରେ ଆଖପାଖ ଅଞ୍ଚଳର ଲୋକେ ମୂକଦର୍ଶକ ହୋଇ ଛିଡା ହୋଇଛନ୍ତି । ଭିଡିଓ ଭାଇରାଲ ହେବାପରେ ପୋଲିସ ତଦନ୍ତ ଆରମ୍ଭ କରିଥିଲା । ପୋଲିସ ତଦନ୍ତରୁ ଜଣାପଡିଥିଲା ଯେ ଘଟଣା ମଙ୍ଗଳବାର ସନ୍ଧ୍ୟାର । ଏହି ଦୁଇ ନିର୍ଦୟୀ ଓ ହୃଦୟହୀନ ଯୁବକ ଆଉ କେହି ନୁହେଁ ବରଂ ବୃଦ୍ଧଙ୍କ ଦୁଇ ପୁଅ । ଏହାପରେ ପୋଲିସ ଦୁଇ ଯୁବକଙ୍କୁ ଗିରଫ କରି ମାଜିଷ୍ଟ୍ରେଟଙ୍କ ନିକଟରେ ହାଜର କରିଥିଲା ।
wp:core-embed/youtube {"url":"https://www.youtube.com/embed/MY5G16I15Tk","type":"rich","providerNameSlug":"embed-handler","className":"wp-embed-aspect-16-9 wp-has-aspect-ratio"}ପୋଲିସ କହିବାନୁଯାୟୀ, ଅଭିଯୁକ୍ତ ପୁଅଙ୍କୁ ପଚରାଉଚୁରା ପରେ ଜଣାପଡିଥିଲା ଯେ ବୃଦ୍ଧ ପିତା ମଦ ନିଶାଶକ୍ତ ଓ ପ୍ରତିଦିନ ମଦ ପିଅନ୍ତି । ମଦ ତାଙ୍କ ପାଇଁ ସ୍ୱାସ୍ଥ୍ୟ ପାଇଁ ହାନିକାରକ । ମଙ୍ଗଳବାର ଦିନ ମଧ୍ୟ ସନ୍ଧ୍ୟାରେ ଜଣେ ପଡୋଶୀଙ୍କ ସହ ବସି ସେ ମଦ ପିଉଥିଲେ । ପୁଅମାନେ ଆସି ତାଙ୍କୁ ମଦ ପିଇବାକୁ ବାରଣ କରିବା ସହ ଘରକୁ ଯିବାକୁ ଡାକିଥିଲେ । କିନ୍ତୁ ସେ ପୁଅଙ୍କ କଥା ନ ଶୁଣି ଓଲଟା ତାଙ୍କୁ ଗାଳିଗୁଲଜ କରିଥିଲେ । ଏହାପରେ ଦୁଇ ଭାଇ ବୃଦ୍ଧଙ୍କ ଗୋଡ ଓ ହାତ ଟାଣି ତାଙ୍କୁ ନେଇଯାଇଥିଲେ । ସେତେବେଳେ ଜଣେ ଦୋକାନୀ ଘଟଣାର ଭିଡିଓ ରେକଡିଂ କରି ସୋସିଆଲ୍ ମିଡ଼ିଆରେ ଭାଇରାଲ କରିଥିଲେ । ପୋଲିସ ଏହି ମାମଲାରେ ତଦନ୍ତ ଜାରି ରଖିଛି ।
