ରୋମ, ୦୯|୦୬: ଦୋଷ କରି ଗିରଫ ହୋଇଥିଲେ ଦୁଇ କଏଦୀ । ଜେଲରେ ରହିଲେ । ଏବେ ଏହି ଦୁଇଜଣ କଏଦୀ ଜେଲରୁ ଫେରାର ହୋଇଯାଇଛନ୍ତି । କେବଳ ଫେରାର ହୋଇନାହାଁନ୍ତି । ଏକ ଚିଠି ମଧ୍ୟ ଛାଡି ଯାଇଛନ୍ତି । ଏହି ଚିଠିରେ କଏଦୀଙ୍କ ସଚ୍ଚୋଟତା ଦେଖିବାକୁ ମିଳିଛି ।
ସୂଚନାନୁସାରେ, ଡାଭାଡ୍ ଜୁକାନୋଭିକ୍ ଓ ଲିଲ୍ ଆହମେଟୋଭିକ୍ ନାମକ ଦୁଇ ଭାଇ ଗିରଫ ହୋଇ ଇଟାଲୀର ରିବିବା ଜେଲରେ ଥିଲେ । ଉଭୟେ ଗତ ୨ ତାରିଖରେ ଜେଲର କାନ୍ଥ ତାଡି ଫେରାର ହୋଇଯାଇଛନ୍ତି । କିନ୍ତୁ ସେମାନେ ଏକ ଚିଠି ଛାଡି ଚାଲିଯାଇଛନ୍ତି ।
ଚିଠିରେ ଉଲ୍ଲେଖ ଅଛି ଯେ, ଦୁଇ ଭାଇ ଏବେ ଜେଲରେ ଅଛନ୍ତି । ତାଙ୍କ ପରିବାର ଲୋକେ ଅନେକ ଅସୁବିଧାର ସାମ୍ନା କରୁଛନ୍ତି । ଏପରିକି ଶିଶୁଙ୍କ ଦାୟିତ୍ୱ ବୁଝାଇବାକୁ କେହି ନାହାଁନ୍ତି । ସେମାନେ ଶିଶୁ ଓ ସେମାନଙ୍କ ପତ୍ନୀଙ୍କ କଥା ବୁଝି ଫେରିଆସିବେ ବୋଲି କହିଛନ୍ତି । ସେ ୧୫ ଦିନ ମଧ୍ୟରେ ଫେରି ଆସିବେ ବୋଲି କଥା ମଧ୍ୟ ଦେଇଛନ୍ତି ।
ଉଭୟ କଏଦୀ ସୁନା ଠକେଇ ଅଭିଯୋଗରେ ଗିରଫ ହେବା ସହ ୨୦୨୯ ଯାଏଁ ସଜ୍ଜା କାଟୁଛନ୍ତି ।