Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର: ‘ମାଣ୍ଡସ୍’ ପ୍ରଭାବ, ଦକ୍ଷିଣ ଓଡ଼ିଶାର ବିଭିନ୍ନ ସ୍ଥାନରେ ବର୍ଷା
  • ||
  • ନୟାଗଡ: ଫତେଗଡ ଥାନା ପୋଲିସକୁ ସଫଳତା, ଧରାପଡିଲେ ଦୁଇ ଆନ୍ତରାଜ୍ୟ ଲୁଟେରା
  • ||
  • ଭୁବନେଶ୍ୱର: ରିମାଣ୍ଡର ୬ ଦିନ ପରେ ବି ମୁହଁ ଖୋଲୁନାହାଁନ୍ତି ଅର୍ଚ୍ଚନା, ପଚାରି ପଚାରି ହାଲିଆ ଇଡି
  • ||

ପାରାଦୀପରେ ଲାଗିଛି ନୌସେନାର ୨ଟି ଯୁଦ୍ଧ ଜାହାଜ – ସାଧାରଣ ଲୋକ ଦେଖିବାକୁ ପାଉଛନ୍ତି ସୁଯୋଗ

24/11/2019 at 9:23 PM

ପାରାଦୀପ ୨୪।୧୧ –   ଡିସେମ୍ବର ୪, ଭାରତୀୟ ନୌସେନା ଦିବସ । ଏହି ଉପଲକ୍ଷେ ପାଳନ କରାଯାଉଛି ନୌସପ୍ତାହ । ସାଧାରଣ ଜନତାଙ୍କୁ ବିଶେଷ କରି ଛାତ୍ରଛାତ୍ରୀଙ୍କୁ ନୌସେନା ସମ୍ପର୍କରେ ସଚେତନ କରାଇବାକୁ  ପାରାଦୀପରେ ଲାଗିଛି ୨ଟି ଯୁଦ୍ଧ ଜାହାଜ, INS ରାଣା ଏବଂ INS ଘଡିଆଲ । ଆଜି ଏବଂ ଆସନ୍ତାକାଲି ଦୁଇ ଦିନ ଧରି ଏହି ଯୁଦ୍ଧ ପୋତ ଦେଖିବାର ସୁଯୋଗ ମିଳିବ ।…

ଭାରତର ୭୫ଶହ କିଲୋମିଟ ଉପକୂଳର ସୁରକ୍ଷା। ସମୁଦ୍ର ମଧ୍ୟରେ ଶତ୍ରୁରର ପ୍ରତିଟି ଗତିବିଧିକୁ ନାପାକ କରିବାର କ୍ଷମତା। ସମୁଦ୍ର ଭିତରେ ଭାରତର ରଣନୀତିକୁ ଯେଉଁମାନେ ଅଞ୍ଜାମ ଦିଅନ୍ତି ସେମାନଙ୍କ ମଧ୍ୟରେ ଅଛନ୍ତି ଭାରତର ଶକ୍ତିଶାଳି ଯୁଦ୍ଧ ଜାହାଜ । ପାରାଦ୍ବୀପ ବନ୍ଦରରେ ଲାଗିଛି ଭାରତୀୟ ନୌସେନାର ଦୁଇ ଯୁଦ୍ଧ ଜାହାଜ ଆଇଏନଏସ ରାଣା ଏବଂ ଆଇଏନଏସ ଘଡ଼ିଆଳ । ଡିସେମ୍ବର ୪ ତାରିଖରେ ନୌସେନା ଦିବସ ଉପଲ୍ଲକ୍ଷେ ଏହି ଦୁଇ ଯୁଦ୍ଧ ଜାହାଜ ପାରାଦୀପ ଆସିଛି । ଏହାକୁ ଦେଖିବା ପାଇଁ ଲୋକଙ୍କ ମଧ୍ୟରେ ନାହିଁନଥିବା ଉତ୍ସାହ । ସାଧାରଣ ଲୋକଙ୍କ ସହ ସ୍କୁଲ କଲେଜର ଛାତ୍ରଛାତ୍ରୀ ଜାହାଜ ମଧ୍ୟରେ ଥିବା ଯୁଦ୍ଧ ଉପକରଣ ଦେଖିବାର ସୁଯୋଗ ପାଇଛନ୍ତି ।

ଆଇଏନଏସ ରାଣା ଏବଂ ଆଇଏନଏସ ଘଡ଼ିଆଲ ବିଶାଖାପାଟଣା ସ୍ଥିତ ଇଷ୍ଟର୍ଣ୍ଣ ନାଭାଲ କମାଣ୍ଡ ଅଧୀନରେ ରହିଛି । ସୋଭିଏତ ରୁଷ ନିର୍ମିତ ଆଇଏନଏସ ରାଣା ପ୍ରଥମେ ୧୯୮୨ରେ ନୌସେନାରେ ସାମିଲ ହୋଇଥିଲା । ତେବେ ପରେ ସ୍ବେଦେଶୀ ଜ୍ଞାନକୌଶଳରେ ଏହାର ନବୀକରଣ କରାଯାଇଛି । ସେହିପରି ଆଇଏନଏସ ଘଡ଼ିଆଲ ହେଉଛି ଆଉ ଏକ ଅତ୍ୟାଧୁନିକ ଯୁଦ୍ଧ ଜାହାଜ, ଯାହା ଉଭୟ ଜଳ ଆଉ ସ୍ଥଳ ଭାଗରେ ନିଜର ରଣକୌଶଳ ଦେଖାଇପାରେ । ବିଶେଷ କରି ସୁନାମୀ ଏବଂ ପ୍ରାକୃତିକ ବିପର୍ଯ୍ୟୟ ସମୟରେ ଏହା ରିଲିଫ ଏବଂ ଉଦ୍ଧାର କାର୍ଯ୍ୟରେ ସହାୟତା କରିଥାଏ ।      

ଭାରତୀୟ ନୌସେନା ବିଶ୍ବର ଚତୁର୍ଥ ବିଶାଳ ନୌବାହିନୀର । ରାଜପୁତ୍-କ୍ଲାସ୍ ଡେଷ୍ଟ୍ରୟର ଆଇଏନଏସ ରାଣା ଏବଂ ମଗର-କ୍ଲାସ୍ ୱାରସିପ୍ ଆଇଏନଏସ ଘଡ଼ିଆଲ ଏହାର ଦୁଇ ପ୍ରମୁଖ ଯୁଦ୍ଧଜାହାଜ।

   Related Posts