ଅହମ୍ମଦାବାଦ ୪।୧: ଗୁଜରାଟରେ କରୋନାର ନୂଆ ଭାଇରସ ଏକ୍ସବିବି.୧.୫ରେ ସଂକ୍ରମିତ ରୋଗୀଙ୍କ ସଂଖ୍ୟା ବୁଧବାର ୩କୁ ପହଞ୍ଚିଛି। ଇନସାକଗ ମଙ୍ଗଳବାର ଏ ନେଇ ରିପୋର୍ଟ ଜାରି କରିଛନ୍ତି। ଏହି ରିପୋର୍ଟ ଅନୁସାରେ କୋଭିଡ-୧୯ ଓମିକ୍ରନର ନୂଆ ଭାରିଆଣ୍ଟ ଏକ୍ସବିବି.୧.୫ର ଦେଶରେ ମୋଟ ୫ଜଣ ସଂକ୍ରମିତ ମିଳିଛନ୍ତି। ଏଥିରୁ ଗୁଜରାଟରେ ୩ଜଣ ସଂକ୍ରମିତ ହୋଇଥିବା ବେଳେ କର୍ଣ୍ଣାଟକରେ ଜଣେ ଓ ରାଜସ୍ଥାନରେ ଜଣକଠାରେ ଏହି ଭୂତାଣୁ ଚିହ୍ନଟ ହୋଇଛି।

{"id":728996,"sizeSlug":"full","linkDestination":"none"}

ଗୁଜରାଟ ବାୟୋଟେକ୍ନୋଲଜି ରିସର୍ଚ୍ଚ ସେଣ୍ଟର (ଜିବିଆରସି) ମାଧ୍ୟମରେ କରାଯାଇଥିବା ଜିନୋମ ସିକ୍ୱେନସିଂରେ ଓମିକ୍ରନ ଷ୍ଟ୍ରେନର ସବୁଠୁ ଅଧିକ ପ୍ରଚଳିତ ସବ୍ ଭାରିଆଣ୍ଟ ଏକ୍ସବିବି.୧.୫ରେ ସଂକ୍ରମିତ ଆଉ ୨ ଜଣ ରୋଗୀ ଗୁଜରାଟରେ ମିଳିଛନ୍ତି। ଏଥିରୁ ଜଣେ ଅହମ୍ମଦାବାଦର ହୋଇଥିବା ବେଳେ ଅନ୍ୟ ଜଣକ ଆଣନ୍ଦ ଜିଲ୍ଲାରୁ ଅଛନ୍ତି। ତେବେ ଏହାର ୧ ସପ୍ତାହ ପୂର୍ବରୁ ଗୁଜରାଟରେ ଏହି ଭାରିଆଣ୍ଟର ଗୋଟିଏ ମାମଲା ସାମ୍ନାକୁ ଆସିଥିଲା।  ପ୍ରଥମ ମାମଲାଟି ମଧ୍ୟ ଅହମ୍ମଦାବାଦରୁ ଆସିଥିଲା।

{"id":728997,"sizeSlug":"full","linkDestination":"none"}

ଅଧ୍ୟୟନ ଅନୁସାରେ ଏକ୍ସବିବି.୧.୫ ବର୍ତ୍ତମାନ ଆମେରିକାରେ ସକ୍ରିୟ ମାମଲାର ୪୦ ପ୍ରତିଶତ। ତେବେ କରୋନାର ଏହି ଭାରିଆଣ୍ଟ ଗୁଜରାଟରେ ନଭେମ୍ବର ପରେ ପ୍ରଚଳିତ ସବଭାରିଆଣ୍ଟରେ ପରିବର୍ତ୍ତିତ ହୋଇଛି। ଜିବିଆରସିଙ୍କ ସୂଚନା ଅନୁସାରେ ଗୁଜରାଟରେ ଏକ୍ସବିବି.୧ର ୫୭ଟି, ଏକ୍ସବିବି.୨ର ୫୨ଟି, ଏକ୍ସବିବି.୫ର ୨୩ଟି ଓ ଏକ୍ସବିବିର ୧୭ଟି ମାମଲା ସାମ୍ନାକୁ ଆସିଛି। ତେବେ ଗୁଜରାଟରେ ନୂଆ କୋଭିଡ ମାମଲାରେ ଏକ୍ସବିବି.୧କୁ ପ୍ରମୁଖଭାବେ ଦର୍ଶା ଯାଉଛି।