scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବଢିଲା କରୋନା ସଂକ୍ରମିତଙ୍କ ସଂଖ୍ୟା: ବାଲେଶ୍ୱରରେ ଆଉ ୨ କୋଭିଡ-୧୯ ପଜିଟିଭ୍, ମୋଟ ସଂକ୍ରମିତ ସଂଖ୍ୟା ୮୯

23/04/2020 at 5:12 PM

ଭୁବନେଶ୍ୱର, ୨୩|୦୪: ରାଜ୍ୟରେ ପୁଣି ଆଉ ୨ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଫଳରେ ମୋଟ ସଂକ୍ରମିତଙ୍କ ସଂଖ୍ୟା ୮୯ରେ ପହଁଚିଛି । ଏହି ଦୁଇଜଣ ବାଲେଶ୍ୱରର ହୋଇଥିବା ଜଣାପଡିଛି। ଏହି ୨ଜଣଙ୍କ ପୂର୍ବରୁ ଅପରାହ୍ନ ୨ଟା ସୁଦ୍ଧା ୪ଜଣ କୋଭିଡ-୧୯ ପଜିଟିଭ୍ ବୋଲି ରିପୋର୍ଟ ଆସିଥିଲା । ଏବେ କିଛି ଘଣ୍ଟା ପରେ ଆଉ ୨ଜଣଙ୍କର ପଜିଟିଭ୍ ଆସିବା ପରେ  ଆଜି ଦିନରେ ଏବେସୁଧା ମୋଟ ୬ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ଏବେ ଚିହ୍ନଟ ୨ କରୋନା ପଜିଟିଭ୍ ବାଲେଶ୍ୱର ଜିଲ୍ଲାର । ଏମାନଙ୍କୁ ମିଶାଇ ଜିଲ୍ଲାରେ କରୋନା ସଂକ୍ରମିତଙ୍କ ସଂଖ୍ୟା ୧୦କୁ ବୃଦ୍ଧି ପାଇଛି । ନୂଆକରି ଚିହ୍ନଟ ୨ ପଜିଟିଭଙ୍କ ମଧ୍ୟରେ ଜଣେ ମହିଳା ଓ ଜଣେ ପୁରୁଷ । ସେମାନଙ୍କ ବୟସ ଯଥାକ୍ରମେ ୫୫ ଓ ୩୬ ବର୍ଷ ।

ତେବେ ଏହା ପୂର୍ବରୁ ଗୁରୁବାର  ଚିହ୍ନଟ ହୋଇଥିବା ସମସ୍ତ ଆକ୍ରାନ୍ତ ଯାଜପୁର ଜିଲ୍ଲାର ବୋଲି ଜଣାପଡ଼ିଛି । ସମସ୍ତ ସଂକ୍ରମିତ ଯାଜପୁର ଜିଲ୍ଲାର ବୋଲି ରାଜ୍ୟ ସୂଚନା ଓ ଲୋକସଂପର୍କ ବିଭାଗ ଟ୍ୱିଟ୍‌ କରି ସୂଚନା ଦେଇଛନ୍ତି । ସମସ୍ତ ସଂକ୍ରମିତଙ୍କ କଣ୍ଟାକ୍ଟ ଟ୍ରେସିଂ ଜାରି ରହିଛି । ଯାଜପୁର ଚିହ୍ନଟ ୪ ସଂକ୍ରମିତଙ୍କ ମଧ୍ୟରୁ ୩ ଜଣ ମହିଳା ଏବଂ ଜଣେ ପୁରୁଷ ଅଛନ୍ତି। ସେମାନଙ୍କ ବୟସ ଯଥାକ୍ରମେ ୪୮ ବର୍ଷ ( ମହିଳା), ୭୦ ବର୍ଷ ( ବୃଦ୍ଧା), ୮୦ ବର୍ଷ ( ବୃଦ୍ଧା) ଏବଂ ୨୧ ବର୍ଷ ( ଯୁବକ)। ଏହି ଚାରିଜଣ ସଂକ୍ରମିତ କୋଲକାତାରୁ ଫେରିଥିବା ଜଣାପଡିଛି। ଏମାନଙ୍କୁ ମିଶାଇ ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ୮୭ରେ ପହଞ୍ଚିଥିଲା । ଆଉ ୨ଟି କେସ ଆସିବା ପରେ ମୋଟ ସଂଖ୍ୟା ୮୯ରେ ପହଁଚିଛି ।

   Related Posts