ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶ୍ରୀମନ୍ଦିର ଉପରେ ଡ୍ରୋନ୍‌ ଉଡାଇବା ଘଟଣା : ଅପଲୋଡ ଭିଡିଓ ଡିଲିଟ୍‌ କଲେ ୟୁଟ୍ୟୁବର, ଆଉ ହାତଯୋଡି କ୍ଷମା ବି ମାଗିଲେ…
  • ||
  • ଅର୍ଚ୍ଚନା ନାଗ ଗିରଫ ମାମଲା, ଇଡିକୁ ସବୁ ତଥ୍ୟ ଦେଲା କମିଶନରେଟ୍‌ ପୋଲିସ
  • ||
  • ଧର୍ମଗଡ଼ : ଦୁର୍ଘଟଣାଗ୍ରସ୍ତ ଟ୍ୟାଙ୍କରରୁ ଗ୍ୟାସ୍‌ ଲିକ୍‌, ଯାତାୟତ ବାଧାପ୍ରାପ୍ତ
  • ||

କାବୁଲ ଏୟାରପୋର୍ଟ ବାହାରେ ଲଗାତାର ୨ଟି ବିସ୍ଫୋରଣ: ୪ ଆମେରିକୀୟ ସେନା ସମେତ ୧୫ ଜଣଙ୍କ ମୃତ୍ୟୁ, ସବୁ ଉଡାଣ ବାତିଲ

26/08/2021 at 8:42 PM

ନୂଆଦିଲ୍ଲୀ ୨୬/୦୮ : ଆଫଗାନିସ୍ତାନ ରାଜଧାନୀ କାବୁଲ ବିମାନବନ୍ଦର ବାହାରେ ଲଗାତାର ଦୁଇଟି ବିସ୍ଫୋରଣ ହୋଇଥିବା ସୂଚନା ମିଳିଛି। ଆମେରିକୀୟ ଅଧିକାରୀ କହିଛନ୍ତି ଯେ ଗୋଟିଏ ବିସ୍ଫୋରଣ ହେବାର କିଛି ସମୟ ପରେ ଦ୍ୱିତୀୟ ବିସ୍ଫୋରଣ ହୋଇଛି। ବ୍ରିଟେନ ପ୍ରତିରକ୍ଷା ମନ୍ତ୍ରାଳୟ ଦୁଇଟି ବିସ୍ଫୋରଣ ନେଇ ସ୍ପଷ୍ଟ କରିଛି। ଫକ୍ସ ନ୍ୟୁଜ ଅନୁଯାୟୀ, ଏହି ହମଲା ଆତଙ୍କୀ ସଂଗଠନ ISIS କରିଛି।

ଋଷ ମିଡ଼ିଆ ଅନୁଯାୟୀ, ଏବେ ସୁଦ୍ଧା ୧୫ ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି। ବିସ୍ଫୋରଣରେ ୪ ଆମେରିକୀୟ ସେନାର ମୃତ୍ୟୁ ହୋଇଛି। ଗଣମାଧ୍ୟମ ରିପୋର୍ଟ ଅନୁଯାୟୀ, ହମଲା କାବୁଲ ସ୍ଥିତ ବ୍ୟାରନ ହୋଟେଲ ନିକଟରେ ହୋଇଛି ଯେଉଁଠି ବ୍ରିଟେନ ସେନା ଓ ସାମ୍ବାଦିକ ଥିଲେ। ସୁରକ୍ଷା ଦୃଷ୍ଟିରୁ ଏୟାରପୋର୍ଟରୁ ସବୁ ଉଡାଣ ବାତିଲ କରାଯାଇଛି। ସବୁ ବିମାନକୁ ନାଟୋ ସେନା ନିଜ ସୁରକ୍ଷା ଘେରରେ ରଖିଛି।

ଖବର ଅନୁଯାୟୀ, ଏୟାରପୋର୍ଟରେ ଲଗାତାର ଫାୟାରିଂ ହେଉଥିବା ସୂଚନା ମିଳିଛି। ଜଣେ ଅଧିକାରୀ କହିଛନ୍ତି ଯେ ଏଥିରେ ଅନେକ ଆଫଗାନିଙ୍କ ମୃତ୍ୟୁ ହୋଇଛି ଓ ଅନେକ ଆହତ ମଧ୍ୟ ହୋଇଛନ୍ତି। ଏହା ଏକ ଆତ୍ମଘାତୀ ବିସ୍ଫୋରଣ ବୋଲି କୁହାଯାଉଛି।

ବିସ୍ଫୋରଣ ପରେ କାବୁଲ ଏୟାରପୋର୍ଟରେ ଚାଞ୍ଚଲ୍ୟ ଖେଳିଯାଇଛି। ଇତି ମଧ୍ୟରେ ଆମେରିଆଙ୍କ, ଅଷ୍ଟ୍ରେଲିଆ ଓ ବ୍ରିଟେନ ଆଜି ହିଁ କାବୁଲ ଏୟାରପୋର୍ଟରେ ଆତଙ୍କ ହମଲା ସନ୍ଦେହରେ ନିଜ ନାଗରିକଙ୍କୁ କାବୁଲ ଏୟାରପୋର୍ଟ ନ ଯିବାକୁ କହିଥିଲେ ଏବଂ ଯେଉଁମାନେ ଏୟାରପୋର୍ଟ ବାହାରେ ଉପସ୍ଥିତ ଥିଲେ ସେମାନେ ତୁରନ୍ତ ସେଠାରୁ ହଟି ଯାଆନ୍ତୁ ବୋଲି କହିଥିଲେ।

   Related Posts