ନୂଆପଡା ୧୭/୦୩: ଗାଧୋଇବା ବେଳେ ଅଘଟଣ । ପୋଖରୀରେ ବୁଡି ୨ ଶିଶୁଙ୍କ ସଲୀଳ ସମାଧି । ସିନାପାଲି ଥାନା ମଖାପଦର ପଞ୍ଚାୟତ ଚଉରା ଗାଁରେ ଦେଖିବାକୁ ମିଳିଛି ଏମିତି ଅଭାବନୀୟ ଘଟଣା । ଦୁଇ ମୃତକ ଶିଶୁ ହେଲେ ପୂର୍ଣ୍ଣାନନ୍ଦ ବନ୍ଦିଛୋରଙ୍କ ପୁଅ ବୃଷଭ ବନ୍ଦିଛୋର ଓ ସନ୍ତୋଷ ବନ୍ଦିଛୋରଙ୍କ ପୂଅ ଅମିତ ବନ୍ଦିଛୋର ।

ସୂଚନା ଥାଉକି, ଗୁରୁବାର ସ୍କୁଲ ଆସିବା ପରେ ପୋଖରୀରେ ଗାଧୋଉଥିଲେ ଉଭୟ ଶିଶୁ । ହେଲେ ଅସାବଧାନତା କାରଣରୁ ବୁଡି ଯାଇଥିଲେ ଦଉ ଶିଶୁ । ଘରକୁ ନ ଫେରିବାରୁ ପରିବାର ଲୋକେ ବହୁତ ଖୋଜାଖୋଜି କରିଥିଲେ । କିଛି ସମୟ ପରେ ପୋଖରୀରେ ଦୁଇ ଶିଶୁଙ୍କ ମୃତଦେହ ଭାସୁଥିବା ଦେଖିବାକୁ ମିଳିଥିଲା । ସଙ୍ଗେ ସଙ୍ଗେ ସିନାପାଲ୍ଲୀ ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରକୁ ନେଇଥିବା ବେଳେ ଡାକ୍ତର ଦୁଇ ଶିଶୁଙ୍କୁ ମୃତ ଘୋଷଣା କରିଥିଲେ ।