ମୁନିଗୁଡ଼ା, ୧୨/୦୬: ରାୟଗଡା ଜିଲ୍ଲା ଅମ୍ବାଦଳା ବଜାରରେ ଆଜି ଦୁଇ ବାଇକ୍ ମୁହାଁମୁହିଁ ଧକ୍କା ହୋଇଛି । ଯାହାଫଳରେ ଏହି ଦୁର୍ଘଟଣାରେ ଜଣେ ବାଇକ୍ ଆରୋହୀଙ୍କର ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ହୋଇଛନ୍ତି । ମୃତକ ଜଣକ ଝିଗିଡି ଗାଁର ରଞ୍ଜନ ଭୋଇ ହୋଇଥିବା ବେଳେ ଗୁରୁତର ଜଣକ ଜହରଲାଲ ଭୋଇ, ଅନ୍ୟ ଜଣେ ନୂଆପଡ଼ା ଜିଲ୍ଲାର ରମେଶ ଚନ୍ଦ୍ର ମାଝୀ ହୋଇଥିବା ଜଣାପଡ଼ିଛି ।
ରଞ୍ଜନ ଓ ଜହରଲାଲ ଏକ ଦଶାହ ଭୋଜିରେ ଯୋଗ ଦେଇ ଫେରିବା ସମୟରେ ଦୃତ ଗତିରେ ଯାଉଥିବା ବେଳେ ବିପରିତ ଦିଗରୁ ଆସୁଥିବା ବାଇକ୍ ସହ ମୁହାଁମୁହିଁ ଧକ୍କା ହୋଇଥିଲା । ମୃତଦେହକୁ ମୁନିଗୁଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଶବ ବ୍ୟବଛେଦ ପାଇଁ ପଠାଇ ଦିଆଯାଇଥିବା ବେଳେ ଗୁରୁତରମାନଙ୍କୁ ଡାକ୍ତରଖାନାରେ ଚିକିତ୍ସା କରାଯାଉଛି । ଖବରପାଇ ଅମ୍ବାଦଳା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
