oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫାଷ୍ଟଫୁଡ୍ ଦୋକାନରୁ ମାଲିକଙ୍କ ମୃତଦେହ ଉଦ୍ଧାର, ତଦନ୍ତ ଆରମ୍ଭ କଲା ପୋଲିସ୍‌
  • ||
  • ରାୟଗଡ଼ା : ଗୁମ୍ମା ଘାଟିରେ ଦୁର୍ଘଟଣା : ସ୍ୱାମୀ ମୃତ, ସ୍ତ୍ରୀ ଏବଂ ପୁଅ ଗୁରୁତର
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୪୯ କୋଭିଡ୍ ପଜିଟିଭ୍
  • ||
  • ମେକ୍ସିକୋ ଧୁଆଁଧାର ଫାୟାରିଂ: ୭ ପୋଲିସ କର୍ମଚାରୀ, ମେୟରଙ୍କ ସମେତ ୧୮ ଜଣଙ୍କ ମୃତ୍ୟୁ
  • ||
  • ଜଲପାଇଗୁଡ଼ିରେ ଦୁର୍ଗା ଭସାଣି ବେଳେ ଫ୍ଲାସ ଫ୍ଲଡ୍, ବନ୍ୟାରେ ଭାସି ୭ ମୃତ
  • ||

ରାଜମହଲ ଛକରେ ସ୍କୁଟିକୁ ପିଟିଲା ଟ୍ରକ୍, ଆଖି ବୁଜିଲେ ୨ ସାଙ୍ଗ : ଖାଇବା ଧରି ଘରକୁ ଫେରୁଥିଲେ…

30/11/2021 at 8:26 AM

ଭୁବନେଶ୍ୱର,୩୦/୧୧: ରାଜମହଲ ଛକରେ ଦୁର୍ଘଟଣା । ଚାଲିଗଲା ୨ ବନ୍ଧୁଙ୍କ ଜୀବନ । ଘରେ ପହଁଚିବା ଆଗରୁ ଆଖିବୁଜିଲେ ଉଭୟ । ଏହାସହ  ଆହତ ହେଲେ ଅନ୍ୟ ଜଣେ ସଫେଇ କର୍ମଚାରୀ ।  

ସୋମବାର ବନ୍ଦ ଥିଲା ମାର୍କେଟ । ବେପାର ବନ୍ଦ ଥିବାରୁ ୨ ବ୍ୟବସାୟୀ ସାଙ୍ଗ ବୁଲିବା ପାଇଁ ସନ୍ଧ୍ୟାରେ ମାର୍କେଟ ବାହାରିଲେ । ମାର୍କେଟ ବିଲ୍ଡିଂରେ କିଣାକିଣି କଲେ । ରାତିର ଖାଇବା ଧରି ଘରକୁ ବାହାରିଲେ । ଆଉ ଅଧଘଣ୍ଟା ବିତିଥିଲେ, ଘରେ ପହଞ୍ଚି ଖାଇପିଇ ପୁଣି ସକାଳୁ ବେପାର ମୁହାଁ ହୋଇଥାନ୍ତେ । କିନ୍ତୁ ବିଧିର ବିଧାନ ଅଲଗା ଥିଲା । ରାଜମହଲ ଛକରେ ଏକ ଟ୍ରକ ଧକ୍କାରେ ୨ ଜଣଙ୍କ ଜୀବନ ଅକାଳ ଚାଲିଗଲା ।

ସୋମବାର ରାତିରେ ଏଜି ଛକ-ରାଜମହଲ ରାସ୍ତାରେ ଦୁର୍ଘଟଣାରେ ୨ ବନ୍ଧୁଙ୍କ ମୃତ୍ୟୁ ଘଟିଛି । ମୃତକ ଦ୍ୱୟ ହେଲେ ଲକ୍ଷ୍ମୀସାଗର ମଝିସାହିର ସାରଦା ସାହୁ ଓ ଭିଏସ୍‌ଏସ୍‌ ନଗରର ନୀତିଶ କୁମାର ସ୍ୱାଇଁ । କ୍ୟାପିଟାଲ ଥାନା ପୁଲିସ ଦୁର୍ଘଘଟଣା ସ୍ଥଳକୁ ଯାଇ ଉଭୟଙ୍କୁ ହସ୍ପିଟାଲ ନେଇଥିଲା । ସେଠାରେ ଡ଼ାକ୍ତର ଉଭୟଙ୍କୁ ମୃତ ଘୋଷଣା କରିଛନ୍ତି ।

ସୂଚନା ମୁତାବକ, ସାରଦା ଓ ନୀତିଶଙ୍କ ମାର୍କେଟ ବିଲ୍ଡିଂରେ ୨ ଦୋକାନ ଅଛି । ଦୁଇ ଜଣଙ୍କ ଦୋକାନ ପାଖାପାଖି ଥିବାରୁ ଦୀର୍ଘଦିନ ହେଲା ଉଭୟେ ଭଲ ବନ୍ଧୁ ପାଲଟି ଯାଇଥିଲେ । ସୋମବାର ମାର୍କେଟ ବନ୍ଦ ଥିବାରୁ ଦିନ ବେଳା ଘରେ ସମୟ ବିତାଇଲେ । ଏକ ସ୍କୁଟିରେ ସନ୍ଧ୍ୟାରେ ମାର୍କେଟ ବୁଲିବାକୁ ବାହାରିଲେ । ସନ୍ଧ୍ୟାରେ ମାର୍କେଟ ବିଲ୍ଡିଂ ବୁଲିବା ପରେ ରାତି ସାଢ଼େ ୧୦ଟା ବେଳେ ଏଜି ଛକରୁ ବାହାରି ରାଜମହଲ ଅଭିମୁଖେ ଯାଉଥିଲେ । ରାଜମହଲ ଛକରେ ପଛରେ ଆସୁଥିବା ଏକ ଟ୍ରକ ଅଣ୍ଡର ପାସ ପାଖରେ ସେମାନଙ୍କ ସ୍କୁଟିକୁ ଧକ୍କା ଦେଇଥିଲା । ସେମାନେ ଭାରସାମ୍ୟ ହରାଇ ଡିଭାଇଡର୍‌ରେ ଧକ୍କା ହୋଇଥିଲେ । ରାସ୍ତାରେ ଛିଟିକି ପଡ଼ି ଡିଭାଇଡ଼ର୍‌ ସିମେଣ୍ଟ ଚଟାଣରେ ପିଟି ହୋଇଯାଇଥିଲେ ।ଦୁର୍ଘଟଣାରେ ରାସ୍ତା ସଫେଇରେ ନିୟୋଜିତ ମନୋରମା ନାୟକ ନାମକ ମହିଳା ମଧ୍ୟ ଆହତ ହୋଇଥିଲେ । ସେ ବିଏମ୍‌ସିର ସଫେଇ କର୍ମୀ ବୋଲି ଜଣାପଡ଼ିଛି । ଦୁର୍ଘଟଣାସ୍ଥଳରେ ସ୍ଥାନୀୟ ଲୋକ ଓ ଗାଡ଼ି ଚାଳକଙ୍କ ଭିଡ ଜମିଥିଲା । ପରେ ଆମ୍ବୁଲାନ୍ସ ଓ ପୁଲିସ ସମସ୍ତଙ୍କୁ ହସ୍ପିଟାଲ ନେଇଥିଲେ । ହସ୍ପିଟାଲରେ ମୃତକଙ୍କ ପରିବାର ଲୋକେ ପହଞ୍ଚିଥିଲେ । ସେଠାରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା ।

   Related Posts