scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

୧୦ ଘଣ୍ଟା ପାର୍କିଂ ପାଇଁ ଦେବାକୁ ପଡିବ ୧୦୦୦ ଟଙ୍କା

17/10/2019 at 4:30 PM

ନୂଆଦିଲ୍ଲୀ – ଏବେ ଦିଲ୍ଲୀରେ ପାର୍କିଂକୁ ନେଇ ଏକ ନୂଆ ଫର୍ମୁଲା କରାଯାଇଛି। ଦିଲ୍ଲୀର ସମସ୍ତ ବ୍ୟସ୍ତ ବହୁଳ ଓ ଅଧିକ ଭିଡ ରହୁଥିବା ସ୍ଥାନରେ ଏବେ ଏହି ଫର୍ମୁଲାରେ ପାର୍କିଂ ଫି ଆଦାୟ କରିବା ପାଇଁ ଯୋଜନା କରାଯାଉଛି ।

ଜାତୀୟ ରାଜଧାନୀରେ ଯାନବାହନ ସଂଖ୍ୟା କମ୍‌ କରିବା ସହ ପ୍ରଦୂଷଣ କମ୍‌ କରିବା ପାଇଁ ସରକାର ଏପରି ଯୋଜନା କରୁଥିବା ସୂଚନା ମିଳିଛି ।

ଦିଲ୍ଲୀର ଅଧିକାଂଶ ଲୋକ ନିଜର କାର୍‌ କିମ୍ବା ଗାଡିରେ ଯିବା ପାଇଁ ପସନ୍ଦ କରୁଛନ୍ତି । ଏବେ ଏହାର ସଂଖ୍ୟା ନିୟନ୍ତ୍ରଣ କରିବା ସହ ପ୍ରଦୂଷଣ କମ୍‌ କରିବାପାଇଁ ଯୁଗ୍ମ ଅଯୁଗ୍ମ ସଂଖ୍ୟା ଲାଗୁ କରିବା ପାଇଁ ଘୋଷଣା କରାଯାଇଛି । ସରକାରଙ୍କୁ ଏ ବିଷୟରେ ପରାମର୍ଶ ଦେଉଥିବା କମିଟି ନଗର ନିଗମ ଅଧିକାରୀମାନଙ୍କୁ ଏକ ଫର୍ମୁଲା ଦେଇଛନ୍ତି । ଦିଲ୍ଲୀର ଲୋକପ୍ରିୟ ସ୍ଥାନମାନଙ୍କରେ ଅଧିକ ଭିଡ ହେଉଥିବାର ସେହି ସ୍ଥାନମାନଙ୍କରେ ପାର୍କିଂ ଫି ନିୟମରେ ପରିବର୍ତ୍ତନ କରିବାପାଇଁ ପରାମର୍ଶ ଦିଆଯାଇଛି । ଏହି ସ୍ଥାନରେ ଲୋକ ଅଫିସ୍‌ ଓ ଅନ୍ୟ କାମରେ ଅଧିକ ସମୟ ରହୁଥିବାରୁ ପାର୍କିଂ ଫି ନିୟମରେ ପରିବର୍ତ୍ତନ କରି ୧୦ ଘଣ୍ଟାକୁ ଏକ ହଜାର ଟଙ୍କା କରିବାପାଇଁ କୁହାଯାଇଛି ।

ଏଥିରେ କେବଳ ଅନୁମତି ମିଳିବା ବାକି ରହିଛି। ଏବେ ଶୀତ ଦିନ ଆରମ୍ଭ ହେଉଥିବାର ଦିଲ୍ଲୀର ପ୍ରଦୂଷଣ ମାତ୍ରା ବୃଦ୍ଧି ପାଇଥାଏ । ଗତ କାଲି (ବୁଧବାରରେ) ଏହା ଖରାପ ସ୍ଥିତିରେ ପହଞ୍ଚିଥିଲା ।

ଦିଲ୍ଲୀରେ ୩୩ ଲକ୍ଷ ଚାରିଚକିଆ ଓ ୭୩ ଲକ୍ଷ ଦୁଇ ଚକିଆ ଯାନ ରହିଛି। ପ୍ରତିଦିନ ୫ଶହ କାର୍‌ ଏଥିରେ ସାମିଲ ହେଉଛି ।
ବେସ୍‌ ପାର୍କି ଫି ଚାରି ଚକିଆ ପାଇଁ ୧୦ ଟଙ୍କା ଓ ଦୁଇ ଚକିଆଯାନ ପାଇଁ ୫ ଟଙ୍କା ରହିବ । କିନ୍ତୁ ସ୍ଥାନ , ଜାମ ଓ ଦିନର ସମୟ ଅନୁସାରେ ଏହା ବଦଳିଯିବ ।

ଏହି ଆଧାରରେ ପ୍ରଥମ ଘଣ୍ଟା ପାଇଁ ୬୦ ଟଙ୍କା ପାର୍କିଂ ଫି ହୋଇଥିବା ବେଳେ ୫ରୁ ୬ ଘଣ୍ଟା ପାଇଁ ୫୦୦ରୁ ୭୦୦ ଟଙ୍କା ଓ ୧୦ ଘଣ୍ଟା ପାଇଁ ଏକ ହଜାର ଟଙ୍କା ଦେବାକୁ ପଡିବ । ଅନ୍‌ ଷ୍ଟ୍ରିଟ୍‌ ଓ ଅଫ୍‌ ଷ୍ଟ୍ରିଟ୍‌ ସ୍ଥାନରେ ଶସ୍ତା ହେବ ।

ଏହା ପ୍ରଥମ ୫ ଘଣ୍ଟା ପାଇଁ ୧.୫ ଗୁଣ ୫ ଘଣ୍ଟା ପର ପାଇଁ ୨ ଗୁଣ ବୃଦ୍ଧି ପାଇବ ।

   Related Posts