ମହାରାଷ୍ଟ୍ର ୦୬/୦୬: ଲୋକସଭା ରେଜଲ୍ଟ ଆସିବା ପରେ ପୁଣି ସରଗରମ ମହାରାଷ୍ଟ୍ର ରାଜନୀତି । ଅଜିତ ପାୱାରଙ୍କ ସହ ଥିବା ଅନେକ ନେତା ପୁଣିଥରେ ଶରଦ ପାୱାରଙ୍କ ଗୋଷ୍ଠୀରେ ସାମିଲ ହୋଇପାରନ୍ତି ବୋଲି ଚର୍ଚ୍ଚା ହେଉଛି । ଶରଦ ପାୱାର ଗୋଷ୍ଠୀର କିଛି ନେତା ଏଭଳି ଦାବି କରିବା ପରେ ରାଜନୈତିକ ମହଲରେ ଏବେ ଚର୍ଚ୍ଚା ଜୋର ।
ଖାସ୍ କରି ଅଜିତଙ୍କ କ୍ୟାମ୍ପର ୧୮ ଜଣ ବିଧାୟକ ଏବେ ଶରଦ ପାୱାରଙ୍କ କ୍ୟାମ୍ପ ସହ ଯୋଗାଯୋଗରେ ଥିବା ଆଲୋଚନା ହେଉଛି । ଏଭଳି ସ୍ଥିତିରେ ଅଜିତ ପାୱାର ନିଜ ବାସଭବନରେ ବିଧାୟକ ଦଳର ବୈଠକ ଡାକିଛନ୍ତି । ଯଦି ଶରଦ ପାୱାରଙ୍କ କ୍ୟାମ୍ପ କରୁଥିବା ଦାବିରେ ସତ୍ୟତା ଥାଏ ତେବେ ମହାରାଷ୍ଟ୍ର ରାଜନୀତିରେ ବଡ ଧରଣର ହଟଚମଟ ଦେଖିବାକୁ ମିଳିପାରେ ।
କାରଣ ଅଜିତ ପାୱାରଙ୍କ କ୍ୟାମ୍ପରେ ୪୦ ଜଣ ବିଧାୟକ ରହିଛନ୍ତି, ଯେଉଁମାନେ ସିନ୍ଦେ ସରକାରର ସୁରକ୍ଷାକବଚ ସାଜିଛନ୍ତି । ବୁଧବାର ଦିନ ଶରଦ ପାୱାରଙ୍କ ନାତି କରଜତ-ଜାମକେଦ ବିଧାୟକ ରୋହିତ ପାୱାର କହିଛନ୍ତି, ପାଖାପାଖି ୧୮ ରୁ ୧୯ ଜଣ ବିଧାୟକ ଦଳକୁ ଫେରିବାକୁ ଆଗ୍ରହୀ । କିନ୍ତୁ ଯେଉଁମାନେ କଠିନ ସମୟରେ ଶରଦ ପାୱାରଙ୍କ ସହ ଥିଲେ ତାଙ୍କ ପାଇଁ ଏହା ଗୁରୁତ୍ୱପୂର୍ଣ୍ଣ ଏବଂ ଦଳର ପ୍ରାଥମିକତା ହୋଇ ରହିବ।
ଏନସିପି (ଏସସିପି) ରାଜ୍ୟ ସଭାପତି ଜୟନ୍ତ ପାଟିଲ ବୁଧବାର କହିଛନ୍ତି ଯେ ଏଭଳି ବିଧାୟକଙ୍କୁ ଫେରାଇ ଆଣିବା ନିଷ୍ପତ୍ତି ଶରଦ ପାୱାରଙ୍କ ଉପରେ ରହିଛି । ମଙ୍ଗଳବାର ଦିନ ଲୋକସଭା ଫଳାଫଳ ବାହାରିଥିଲା ଏବଂ କେତେକ ସେମାନଙ୍କ ନିଷ୍ପତ୍ତି ଉପରେ ପ୍ରତିଫଳିତ ହୋଇସାରିଛନ୍ତି । ତଥାପି, ଆମେ ଏପର୍ଯ୍ୟନ୍ତ ଏହାକୁ (ବିଧାୟକଙ୍କ ପ୍ରତ୍ୟାବର୍ତ୍ତନ) ଦେଇନାହୁଁ । ଶରଦ ପାୱାରଙ୍କ ପରାମର୍ଶ ପରେ ଦଳ ନିଷ୍ପତ୍ତି ନେବ ବୋଲି ପାଟିଲ କହିଛନ୍ତି ।
ଅଜିତଙ୍କ ଏନସିପି କେବଳ ଗୋଟିଏ ଆସନ ଜିତିଥିଲା । ସୂତ୍ରରୁ ପ୍ରକାଶ ଯେ ମହାରାଷ୍ଟ୍ରର ୪୮ଟି ନିର୍ବାଚନମଣ୍ଡଳୀରୁ ଦଳ ମାତ୍ର ଚାରିଟି ଆସନ ପାଇଥିବାବେଳେ ବିଧାୟକଙ୍କ ମଧ୍ୟରେ ଅସନ୍ତୋଷ ସ୍ପଷ୍ଟ ହୋଇଛି । ଏନସିପିର ଜଣେ ବରିଷ୍ଠ ନେତା କହିଛନ୍ତି, ନେତାମାନେ ଅଜିତ ପାୱାରଙ୍କୁ ସମର୍ଥନ କରିଥିଲେ ଯେ ଏହି ଦଳ ମହାରଥୀ ସରକାରରେ ଯୋଗଦେବା ପରେ ବଢିବ ।