ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ନାବାଳିକାଙ୍କୁ ଗଛରେ ବାନ୍ଧି ମାଡ ଘଟଣା, ଏତଲା ପରେ ୧୭ ଜଣ ମହିଳାଙ୍କୁ ଗିରଫ କଲା ପୋଲିସ

20/12/2020 at 3:07 PM

ଗଞ୍ଜାମ ୨୦।୧୨: ନାବାଳିକାଙ୍କୁ ଉଲଗ୍ନ କରି ଗଛରେ ବାନ୍ଧି ମାଡ ଅଭିଯୋଗ । ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଅଞ୍ଚଳରେ ଏଭଳି ଅଭାଭନୀୟ ଘଟଣା ଦେଖିବାକୁ ମିଳିଛି । ଗାଁର ଦଳିତ ସାହି ରେ ଜଣେ ୧୬ ବର୍ଷୀୟ ନାବାଳିକାଙ୍କୁ ପ୍ରଜାକୋର୍ଟ ବସାଇ ଉଲଗ୍ନ କରି ଗଛରେ ବାନ୍ଧି ମାଡ ମାରିଥିବା ସଙ୍ଗୀନ ଅଭିଯୋଗ ଆସିଛି । ଏ ନେଇ ଖଲ୍ଲିକୋଟ ଥାନାରେ ଏତଲା ପରେ ୧୭ ଜଣ ମହିଳାଙ୍କୁ ଗିରଫ କରିଛି ପୋଲିସ ।

 ଖବର ଅନୁଯାୟୀ, ନାବାଳିକାଙ୍କ ବାପା ମୃତ୍ୟୁବରଣ କରିବା ପରେ ସେ ଓ ତାଙ୍କ ସାନ ଭଉଣୀ ନିଜ ଜେଜେମା ପାଖରେ ରହି ପାଠ ପଢୁଥିଲେ । ତାଙ୍କ ମା ଭୁବନେଶ୍ୱରରେ ରହି କାମ କରୁଥିଲେ । ତେବେ ନାବାଳିକାଙ୍କ ସହ ଜଣେ ଯୁବକଙ୍କ ପ୍ରେମ ବେପାରକୁ କେନ୍ଦ୍ର କରି ଗାଁରେ ପ୍ରଜାକୋର୍ଟ ବସିଥିଲା । ମହିଳା ଓ ପୁରୁଷ ମାନେ ମିଶି ନାବାଳିକାଙ୍କୁ ଗାଁ ମଝିରେ ଉଲଗ୍ନ କରି ଗଛରେ ବାନ୍ଧି ମାଡ ମାରିଥିଲେ । ନାବାଳିକା ଜଣକ ଗୁରୁତର ଅବସ୍ଥାରେ ଖଲ୍ଲିକୋଟ ଡାକ୍ତରଖାନାରେ ଚିକିତ୍ସିତ ହେଉଥିବା ଜଣାପଡିଛି । ତେବେ ନାବାଳିକାଙ୍କ ପରିବାର ଲୋକେ ଗାଁ ଲୋକଙ୍କ ଭୟରେ ରହିଥିବା ବେଳେ ଗତକାଲି ନାବାଳିକାଙ୍କ ଜେଜେ ମାଆ ଖଲ୍ଲିକୋଟ ଥାନାରେ ଏ ନେଇ ଏତଲା ଦେଇଥିଲେ । ପୋଲିସ ଏ ନେଇ ଏକ ମାମଲା ରୁଜୁ କରି ତଦନ୍ତ କରିବା ସହ ରାତିରେ ୧୭ ଜଣ ମହିଳାଙ୍କ ଗିରଫ କରିଛି । ପୋସ୍କୋ ଆଇନର ବିଭିନ୍ନ ଧାରାରେ ମହିଳା ମାନଙ୍କୁ କୋର୍ଟ ଚାଲାଣ କରିଥିବା ଖଲ୍ଲିକୋଟ ଥାନା ଅଧିକାରୀ କହିଛନ୍ତି ।

   Related Posts