ମାଲକାନଗିରି ୩୦/୧୧: ମାଓ ବିରୋଧୀ ଅପରେସନ ବେଳେ ୧୬ ନକ୍ସଲ ଗିରଫ । ମାଲକାନଗିରି ଛତିଶଗଡ ସୀମାନ୍ତ ସୁକୁମା ଓ ବିଜାପୁର ଜିଲ୍ଲାର ବିଭିନ୍ନ ଅଞ୍ଚଳରୁ ୧୬ ଜଣ ମାଓବାଦୀଙ୍କୁ ଗିରଫ କରିଛନ୍ତି ସୁରକ୍ଷା ବାହିନୀ । ଗିରଫ ମାଓବାଦୀଙ୍କ ଠାରୁ ବିସ୍ଫୋରକ ସାମଗ୍ରୀ, ଟିଫିନ୍ ବୋମା, କୋର୍ଡେକ୍ସ ତାର ଓ ମାଓ ପ୍ରଚାର ପତ୍ର ଜବତ କରାଯାଇଛି ।
ବିଜାପୁର ଜିଲ୍ଲାରୁ ୧୩ ଜଣ ଓ ସୁକୁମା ଜିଲ୍ଲାରୁ ୩ ଜଣ ନକ୍ସଲପନ୍ଥୀଙ୍କୁ ଗିରଫ କରାଯାଇଛି । ଜାଗରକୋଣ୍ଡା ଏରିଆ କମିଟିର ୨ ଲକ୍ଷ ଟଙ୍କା ଇନାମୀ ନକ୍ସଲ ସମେତ ତିନି ଜଣ ନକ୍ସଲପନ୍ଥୀଙ୍କୁ ତରେମ ଥାନା ଅନ୍ତର୍ଗତ ବୁଡଗିଚେରୁ ଜଙ୍ଗଲରୁ ଗିରଫ କରିଛନ୍ତି ସୁରକ୍ଷା କର୍ମୀ । ସେହିପରି ଅବାପାଲ୍ଲୀର ଚାଟଲାପାଲ୍ଲୀ ଜଙ୍ଗଲରୁ ୫ଜଣ ମିଲିସିଆ ଓ ୮ଜଣ ହାଡକୋର ମାଓବାଦୀଙ୍କୁ ଜଙ୍ଗଲ ଥାନା ଅଞ୍ଚଳରେ ଗିରଫ କରାଯାଇଛି ।
