ନୂଆ ଦିଲ୍ଲୀ ୧୮|୧: ବୁର୍ଲାସ୍ଥିତ ଭିମସାରରେ ଜଣେ କ୍ୟାନସର ରୋଗୀଙ୍କ ପେଟରେ ଅସ୍ତ୍ରୋପଚାର କରି ସେଥିରେ ଲୁଣ ଭର୍ତ୍ତି କରି ଚିକିତ୍ସା କରାଯାଇଥିବା କଥା ପ୍ରାୟ ସମସ୍ତେ ଜାଣନ୍ତି । ଡାକ୍ତର ଅଶ୍ବିନୀ ପୂଜାହାରୀଙ୍କ ଏହି ଲୁଣ ଚିକିତ୍ସା ନେଇ ସମଗ୍ର ରାଜ୍ୟରେ ହଇଚଇ ସୃଷ୍ଟି ହୋଇଥିଲା । ଏହି ଘଟଣାରେ ଡାକ୍ତର ଅଶ୍ବିନୀ ପୂଜାହାରୀଙ୍କୁ ଏଥିପାଇଁ ଅନେକ ମୂଲ୍ୟ ମଧ୍ୟ ଦେବାକୁ ପଡିଥିଲା । ଜୁନିୟର ଡାକ୍ତରଙ୍କ ଅଭିଯୋଗ ଯୋଗୁଁ ତାଙ୍କୁ ବଦଳି କରିଦିଆଯାଇଥିଲା । ଏହି ଚିକିତ୍ସା ଫଳରେ ରୋଗୀଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଥିଲା । କିନ୍ତୁ ପରବର୍ତ୍ତୀ ସମୟରେ ସୋସିଆଲ ମିଡିଆରେ ସଂପୃକ୍ତ ରୋଗୀ ଭଲ ହୋଇ ବଞ୍ଚିଥିବା କହିଥିଲେ । ରୋଗୀ ବଞ୍ଚିଛନ୍ତି କି ନାହିଁ ତାହା ତଦନ୍ତ ସାପେକ୍ଷ । ତେବେ ସମାନ ଧରଣର ଆଉ ଏକ ଚିକିତ୍ସା ଏବେ ସମଗ୍ର ବିଶ୍ବରେ ଚହଳ ସୃଷ୍ଟି କରିଛି । ଜଣେ ରୋଗୀଙ୍କୁ ବଞ୍ଚେଇବା ପାଇଁ ଡାକ୍ତରମାନେ ଏକ ବିରଳ ତଥା ଅବିଶ୍ବସନୀୟ ଚିକିତ୍ସା ଶୈଳୀ ଗ୍ରହଣ କରିଛନ୍ତି। ଲୁଣ ଚିକିତ୍ସାଭଳି ଏହା ଥିଲା ବିୟର ଚିକିତ୍ସା । ମଦ ସ୍ବାସ୍ଥ୍ୟ ପକ୍ଷେ କ୍ଷତିକାରକ ବୋଲି ବୈଧାନିକ ସତର୍କତା ଆମେ ପଢିଛେ । କିନ୍ତୁ ଶରୀର ପାଇଁ କ୍ଷତିକାରକ ବିୟର ଯେ, ଜୀବନ ବଂଚାଇପାରେ ଏହା ଜାଣିଲେ ଆପଣ ଆଶ୍ଚର୍ଯ୍ୟ ହେବେ ନିଶ୍ଟୟ । କିନ୍ତୁ ଏହା ହିଁ ସତ୍ୟ । ରୋଗୀ ଜଣକର ଆଲକୋହଲ ପଏଜନିଂ ଯଗୁଁ ମୃତ୍ୟୁ ଘଟିବାର ନିଶ୍ଚିତ ଥିଲା। ତାଙ୍କ ଲିଭର ମଧ୍ୟ ସମ୍ପୂର୍ଣ୍ଣଭାବେ କାମ କରିବା ବଂଦ କରିଦେଇଥିଲା । କିନ୍ତୁ ଡାକ୍ତରମାନେ ୫ ଲିଟର ବିଅର ରୋଗିଙ୍କ ପେଟରେ ପମ୍ପ କରିଥିଲେ। ଆଶ୍ଚର୍ଯ୍ୟଜନକ କଥା ଏହା ଯେ ଏହା ଫଲରେ ଡାକ୍ତରମାନେ ତାଙ୍କୁ ବଞ୍ଚେଇବାରେ ସଫଳ ହୋଇଥିଲେ।
/wp:heading {"id":75366}![](https://www.prameyanews7.com/wp-content/uploads/2019/01/a4ac0fa65c3fdf8f7e66de4c80c1a052.jpg)
ସୁଚନାଯୋଗ୍ୟ ଯେ ଭିଏତନାମର ୪୮ ବର୍ଷ ବୟସ୍କ ଗୁଏନ ୱେନ ହାଟ ନାମକ ବ୍ୟକ୍ତିଙ୍କ ରକ୍ତରେ ମିଥେନଲର ମାତ୍ରା ସ୍ବବାବିକ ସ୍ତରଠାରୁ ୧,୧୧୯ ଗୁଣ ଅଧିକ ହୋଇଥିବାରୁ ଡାକ୍ତରମାନେ ତାଙ୍କୁ ବଞ୍ଚେଇବା ପାଇଁ ଏହି ଉପାୟର ପ୍ରୟୋଗ କରିଥିଲେ।
/wp:heading {"id":75367}![](https://www.prameyanews7.com/wp-content/uploads/2019/01/Pints_of_beer_2624353b-1.jpg)