ଜଳେଶ୍ଵର: ଉପ ଜିଲ୍ଲାପାଳଙ୍କ  ଉପରେ ବୋଲି ମାଫିଆଙ୍କ ଆକ୍ରମଣ ପରେ ତତ୍ପର ହୋଇ ଉଠିଛି ବାଲେଶ୍ଵର ଜିଲ୍ଲା ପ୍ରଶାସନ। ବାଲି ମାଫିଆଙ୍କ ଉପରେ ଅଙ୍କୁଶ ଲଗାଇବା ପାଇଁ ଆରମ୍ଭ ହୋଇଛି ‘ଅପରେସନ ସ୍ୟାଣ୍ଡ ଷ୍ଟର୍ମ’।ଏହାରି ଆଧାରରେ ସୁବର୍ଣ୍ଣରେଖା ନଦୀରେ ଥିବା ୧୫ଟି ଚୋରା ବାଲିଖାଦାନରେ ତହସିଲ ପକ୍ଷରୁ ଲାଗିଲା ଲାଲି ପତାକା। ଆଉ ଜାରି ହେଲା ୧୪୪ ଧାରା। ଉଲ୍ଲେଖନୀୟ ବାଲେଶ୍ୱର  ଉପ ଜିଲ୍ଲାପାଳ କୁନାଲ ମୋତିରାମ ଚୌହାନଙ୍କୁ ବାଲିମାଫିଆଙ୍କ ଆକ୍ରମଣ ଫଳରେ ଜିଲ୍ଲା ପ୍ରଶାସନ ତତ୍ପର ହୋଇ ଉଠିଛି।

{"id":742437,"sizeSlug":"full","linkDestination":"none"}

ଆଜି ଉପ ଜିଲ୍ଲାପାଳଙ୍କ ମିସ କେଶ ନଂ -୯/ ୨୩ ଅନ୍ତର୍ଗତ ଜଳେଶ୍ୱର ତହସିଲ ଅଧିନସ୍ଥ ସୁବର୍ଣ୍ଣରେଖା ନଦୀରେ ଥିବା ବିଳାସପୁର, ମାକିଡିଆ (କ .ଖ.ଗ ), କୁଆଁରପୁର, ତୋଟାପଡା, ବେହେରାସାହି, ପ୍ରହରାଜପୁର, ପ୍ରହରାଜପୁର (କ ), ଡିପିପୁର,  ମକ୍ରମପୁର, ମାଳିପାଳ, ଦକ୍ଷିଣ ପ୍ରହରାଜ ପୁର (ଚ), କଣ୍ଟାପାଳ, ଗଡ଼ସାହୀ ବାଲିଆପାଳ ଆଦି ୧୫ଟି  ଚୋରା ବାଲି ଖାଦାନ ଉପରେ ତହସିଲ ପକ୍ଷରୁ ବାଲି ଖାଦାନ ଉପରେ ଚଢ଼ାଉ କରାଯାଇ ଲାଲି ପତାକା ମାରି ୧୪୪ ଧାରା ଜାରୀ କରାଯାଇଥିବା ଦେଖିବାକୁ ମିଳିଛି। ତତ ସହିତ ଡାକବାଜୀ ଯନ୍ତ୍ର ଦ୍ୱାରା ସୂଚାଇ ଥିବା ଦେଖିବାକୁ ମିଳିଛି। ଏହି ସମୟରେ ଜଳେଶ୍ୱର ତହସିଲଦାର, ତହସିଲ ପ୍ରଶାସନ ଓ ଜଳେଶ୍ୱର ପୋଲିସ ଉପସ୍ଥିତ ଥିଲେ।