ଭଦ୍ରକ ୨୨।୦୪ : ପୁଣି ୭୨ ଘଣ୍ଟା ବଢିଲା ୧୪୪ ଧାରା ଅବଧି । ୨୨ ତାରିଖ ସକାଳ ୬ଟାରୁ ୨୫ ତାରିଖ ପର୍ଯ୍ୟନ୍ତ ଜାରି ରହିବ କଟକଣା । ବେଦାନ୍ତ ଫେକର କମ୍ପାନୀ ପରିସରରେ ବଢ଼ିଲା କଟକଣା ଅବଧି । ଶ୍ରମିକ ଅଶାନ୍ତି ଓ ଆଇନ ଶୃଙ୍ଖଳା ପରିସ୍ଥିତିକୁ ଦେଖି ଏଭଳି ନିଷ୍ପତ୍ତି ନିଆଯାଇଛି । ଜିଲ୍ଲା ପ୍ରଶାସନ ତରଫରୁ କଟକଣା ଅବଧି ବୃଦ୍ଧି କରାଯାଇଛି ।
ଖବର ଅନୁଯାୟୀ, ଦୁଇ ଗୁରୁତର ଶ୍ରମିକଙ୍କ ମଧ୍ୟରୁ ପୂର୍ବରୁ ଜଣେ ଶ୍ରମିକ ରତିକାନ୍ତ ସୁତାରଙ୍କ ମୃତ୍ୟୁ ହୋଇଥିଲା । ଆଉ ଏବେ ଶୁକ୍ରବାର ରାତିରେ ଅନ୍ୟ ଜଣେ ଗୁରୁତର ଶ୍ରମିକ ବିଜୟ ମହାପାତ୍ରଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । କିନ୍ତୁ କମ୍ପାନୀ ତରଫରୁ କୌଣସି ସୂଚନା ମିଳିପାରୁନାହିଁ ।
