ନାଗୌନ ୮/୭ : ଆସାମ ନାଗୌନ ଜିଲ୍ଲା ଜେଜୁରୀ ସ୍ଥିତ ଚା ବଗିଚାରୁ ଏକ ୧୪ ଫୁଟ୍ ଲମ୍ବର କିଙ୍ଗ କୋବ୍ରା ଉଦ୍ଦାର ହୋଇଛି । କୋବ୍ରାକୁ ଉଦ୍ଧାର କରାଯିବା ପରେ ନିକଟସ୍ଥ ସୁବାଂଗ ଅଭୟାରଣ୍ୟରେ ଛାଡି ଦିଆଯାଇଛି । ୧୪ ଫୁଟ୍ ଲମ୍ବ କିଙ୍ଗ କୋବ୍ରାର ଫଟୋ ସୋଶିଆଲ ମିଡିଆରେ ଭାଇରାଲ ହୋଇଛି । ଫଟୋ ଭାଇରାଲ ହେବା ପରେ ଲୋକେ ନାନା ମତ ଦେଉଛନ୍ତି ।

{"id":131692}

ଘଟଣା ଜୁଲାଇ ୫ ତାରିଖର । ଜେଜୁରୀ ଚା ବଗିଚାରେ ଏକ ବିରାଟକାୟ ସାପ ଦେଖିଲା ପରେ ସ୍ଥାନୀୟ ଅଞ୍ଚଳରେ ହଇଚଇ ସୃଷ୍ଟି ହୋଇଥିଲା । ଏହାପରେ ଗ୍ରାମବାସୀ ଉଦ୍ଧାରକାରୀ ଦଳକୁ ସୂଚନା ଦେଇଥିଲେ । ସୂଚନାପାଇ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଥିଲେ । ଉଦ୍ଧାର ସମୟରେ ସ୍ଥାନୀୟ ଅଞ୍ଚଳରେ ଲୋକଙ୍କ ଭିଡ ଜମିଥିଲା । ଲୋକେ ନିଜ ନିଜ ମୋବାଇଲରେ କୋବ୍ରାର ଫଟୋ ଉଠାଇଥିଲେ । ପରେ ଲୋକେ ଏହି ଫଟୋକୁ ସୋଶିଆଲ ମିଡିଆରେ ସେୟାର କରିଥିଲେ । ଫଟୋ ଦେଖି କେହି ଏହାକୁ ଭୟଙ୍କର କହିଥିଲେ ତ ଆଉ କିଏ ଏହାକୁ ଅତି ସୁନ୍ଦର ବୋଲି କହିଥିଲେ ।

{"id":131693}

ଉଦ୍ଧାରକାରୀ ଦଳ ସାପକୁ ଉଦ୍ଧାର କରି ବନବିଭାଗକୁ ସୂଚନା ଦେଇଥିଲେ । ବନବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ସାପକୁ ନେଇ ସୁବାଂଗ ଅଭୟାରଣ୍ୟରେ ଛାଡି ଦେଇଥିଲେ ।

{"id":131694}

ଗାଁ ଲୋକଙ୍କ କହିବାନୁଯାୟୀ, ଏହି କୋବ୍ରାର ଏକ ବିଶେଷତ୍ୱ ରହିଛି । ଏହି କୋବ୍ରା ସବୁବେଳେ ଶତ୍ରୁଙ୍କୁ ଡରାଇବାକୁ ଚେଷ୍ଟା କରିଥାଏ । ଶତ୍ରୁକୁ ଦେଖିବା ମାତ୍ରେ ସାପ ଆକ୍ରମଣ କରିଥାଏ । ଏହି ପ୍ରଜାତିର କିଙ୍ଗ କୋବ୍ରା ଦକ୍ଷିଣ ଭାରତ ଜଙ୍ଗଲରେ ହିଁ ଦେଖିବାକୁ ମିଳିଥାଏ ।