scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

୧୩ ବର୍ଷୀୟା ଦୁଷ୍କର୍ମ ପୀଡ଼ିତା ଜନ୍ମ ଦେଲେ ଏକ ପୁତ୍ର ସନ୍ତାନ, ଅଭିଯୁକ୍ତକୁ ଗିରଫ କଲା ପୋଲିସ୍

8/03/2021 at 7:17 PM

ଦେଓରିୟା, ୦୮/୦୩: ଉତ୍ତରପ୍ରଦେଶର ଦେଓରିଲା ଜିଲ୍ଲା ରୁଦ୍ରପୁର ଥାନା ଅଞ୍ଚଳରେ ଜଣେ ୧୩ ବର୍ଷୀୟା ଦୁଷ୍କର୍ମ ପୀଡ଼ିତା ଗୋଟିଏ ପୁତ୍ର ସନ୍ତାନ ଜନ୍ମ ଦେଇଥିବା ଖବର ସାମ୍ନାକୁ ଆସିଛି । ପୀଡ଼ିତାଙ୍କ ମା ଙ୍କ ଅଭିଯୋଗ କ୍ରମେ ଅଭିଯୁକ୍ତ ଯୁବକକୁ ଗିରଫ କରାଯାଇଛି ।

ଦାଏର ହୋଇଥିବା ମାମଲାକୁ ନେଇ ଥାନା ଅଧିକାରୀ ଆମ୍ୱିକା ରାମ କହିଛନ୍ତି ଯେ, ଝିଅଟିର ପେଟରେ ପାଖାପାଖି ଏକ ସପ୍ତାହ ପୂର୍ବରୁ ଯନ୍ତ୍ରଣା ଆରମ୍ଭ ହୋଇଥିଲା । ତେଣୁ ତାଙ୍କୁ ହସ୍ପିଟାଲ୍‌ରେ ଭର୍ତ୍ତି କରାଯାଇଥିଲା । ଏହାର ଦୁଇଦିନ ପରେ ସେ ଏକ ପୁତ୍ର ସନ୍ତାନ ଜନ୍ମ ଦେଇଥିଲେ ।

ପୀଡ଼ିତାଙ୍କ ମା, ତାଙ୍କର ୧୩ ବର୍ଷୀୟ ଝିଅ ଷଷ୍ଠ ଶ୍ରେଣୀରେ ପଢ଼ୁଛି ବୋଲି କହିଛନ୍ତି । ପାଖାପାଖି ୮ ମାସ ପୂର୍ବରୁ ସେ ଥରେ ଘରୁ ବାହାରକୁ ଯାଇଥିଲେ । ଏହି ସମୟରେ ଅଭିଯୁକ୍ତ ଝିଅଟିକୁ ଏକୁଟିଆ ଦେଖି ବଳତ୍କାର କରିଥିଲା । ଏଥି ସହିତ ଏହି ଘଟଣା ବାହାରେ କାହାକୁ କହିଲେ ତାକୁ ଜୀବନରୁ ମାରିଦେବାର ଧମକ ମଧ୍ୟ ଦେଇଥିଲା ।

ତେବେ ପୋଲିସ୍‌ ଅଧିକାରୀ ଅଭିଯୁକ୍ତ ଯୁବକ ବିରୋଧରେ ଭାରତୀୟ ପିଙ୍ଗଳ ଧାରା ଏବଂ ପୋକ୍ସୋ ଆଇନ୍‌ରେ ମାମଲା ଦାଏର କରି ତାକୁ ଗିରଫ କରିଥିବା ଜଣାପଡ଼ିଛି । ଏଥି ସହିତ ଅଧିକ ତଦନ୍ତି କରାଯାଉଥିବା ପୋଲିସ୍‌ ପକ୍ଷରୁ କୁହାଯାଇଛି ।  

ଅନ୍ୟପଟେ କାନପୁର୍‌ ଅଞ୍ଚଳରେ ଜଣେ ମହିଳାଙ୍କୁ ଦୁଷ୍କର୍ମ କରିବା ଅଭିଯୋଗ ଆଣି ଅଭିଯୁକ୍ତକୁ ଲୋକେ ପିଟିପିଟି ମାରିଦେଇଥିବା ଜଣାପଡ଼ିଛି ।

   Related Posts