ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ମହିଳା ଉଦ୍ୟୋଗୀଙ୍କ ପାଇଁ ହେବ ଶିଳ୍ପ ପାର୍କ, ମେକ୍‌ ଇନ୍‌ ଓଡିଶା କନ୍‌କ୍ଲେଭ୍‌ରେ ମୁଖ୍ୟମନ୍ତ୍ରୀଙ୍କ ଘୋଷଣା
  • ||
  • ଭୁବନେଶ୍ୱର: ଇଡିରେ ହାଜର ହେଲେ ଶିବ ପ୍ରସାଦ, ଅର୍ଚ୍ଚନାଙ୍କ ସହ ଟଙ୍କା କାରବାର ନେଇ ଦ୍ୱିତୀୟ ଥର ହାଜିରା
  • ||
  • କୋଣାର୍କ: ଦର୍ଶକଙ୍କ ମନ ମୋହୁଛି ମହୋତ୍ସବ, ଦ୍ୱିତୀୟ ସଂଧ୍ୟାରେ ଦର୍ଶକଙ୍କୁ ଆକର୍ଷିତ କଲା ମଣିପୁରୀ ନୃତ୍ୟ
  • ||
  • ଉମରକୋଟ : ଗଛକୁ ପିଟିଲା କାର୍‌ , ତିନି ମୃତ, ଦୁଇ ଗୁରୁତର
  • ||

ମାଆ ପାଇଁ ଔଷଧ ଦରକାର, ସାନ ଭଉଣୀ ପାଠ ପଢିବ… ଖର୍ଚ୍ଚ ଉଠାଇବା ପାଇଁ ପୁଅ ବୋହୁଛି ମୃତଦେହ

21/06/2020 at 4:57 PM

ନୂଆଦିଲ୍ଲୀ, ୨୧|୦୬:  କଅଁଳ ବୟସରେ ଭାରି ପଡିଛି ଆର୍ଥିକ ବୋଝ । ମାଆର ଔଷଧ ପାଇଁ ପାଖରେ ପଇସା ନାହିଁ । ସ୍କୁଲ ଫିସ୍ ମଧ୍ୟ ଠିକସେ ଜମା କରିପାରୁ ନାହିଁ ଦ୍ୱାଦଶ ଶ୍ରେଣୀର ଛାତ୍ର । ଏହିଭଳି ପ୍ରତିକୂଳ ପରିସ୍ଥିତିରେ ଜୀବନକୁ ଖାତିର ନକରି ପେଟ ପୋଷିବା ପାଇଁ କରୋନା ସଂକ୍ରମିତଙ୍କ ମୃତଦେହ ଉଠାଇବା କାମ କରୁଛି ଏହି ବାଳକ ।

ନାଁ ଚାନ୍ଦ ମହମ୍ମଦ । ଦିଲ୍ଲୀର ସୀଲମପୁର ଅଞ୍ଚଳରେ ରହୁଥିବା ଏହି ଛାତ୍ରଜଣଙ୍କ ପରିବାର କହିଲେ ସେ, ତିନି ସାନ ଭଉଣୀ ଓ  ବୁଢୀ ମାଆ । ମାଆଙ୍କ ସ୍ୱାସ୍ଥ୍ୟାବସ୍ଥା ଖରାପ । ସେ ଥାଇରଏଡ ରୋଗରେ ଆକ୍ରାନନ୍ତ । ପ୍ରତିମାସରେ ଦରକାର ପଡେ ଔଷଧ । ବାପା କେବେଠୁ ଆରପାରିକୁ ଚାଲିଗଲେଣି । ଏହି ସମୟରେ ମୁଣ୍ଡ ଉପରେ ରହିଛି ପରିବାରର ବୋଝ । ଏପଟେ ସାନ ଭଉଣୀଙ୍କ ପାଠପଢା ମଧ୍ୟ ରହିଛି । ଏହିଭଳି ବିଷମ ପରିସ୍ଥିତିର ମୁକାବିଲା ପାଇଁ ଅଣ୍ଟା ଭିଡିଛନ୍ତି ଚାନ୍ଦ । ସେ ଗତ କିଛିଦିନ ପୂର୍ବରୁ ଦିଲ୍ଲୀର ଲୋକନାୟକ ହସ୍ପିଟାଲରେ ସଫେଇ କର୍ମଚାରୀ ଭାବେ କାମ ଆରମ୍ଭ କରିଛନ୍ତି । ତାଙ୍କୁ କରୋନା ମୃତକଙ୍କ ମୃତଦେହ ଉଠାଇବାକୁ ପଡୁଛି । ଯାହା ବେଶୀ ମାରାତ୍ମକ । କାରଣ ପାଦେ ପାଦେରେ ରହିଛି ସଂକ୍ରମଣର ବିପଦ । ତାଙ୍କୁ ଏହି କାମ ପାଇଁ ମାସକୁ ୧୭ ହଜାର ଟଙ୍କା ମିଳୁଛି ।

ହସ୍ପିଟାଲରେ ଚାକିରୀ କରିବା ପରେ ଚାନ୍ଦ କହିଛନ୍ତି ଯେ, ସେ କରୋନା ମୃତକଙ୍କୁ ସଂରକ୍ଷଣ ଗୃହକୁ ନେଇଯାଆନ୍ତି । ସେ ଏହି ସବୁ କାମ ପିପିଇ ପିନ୍ଧିକରି କରନ୍ତି । ଏହି କିଟ୍ ପିନ୍ଧିବା ଦ୍ୱାରା ଅନେକ ଅସୁବିଧାର ସାମ୍ନା କରିବାକୁ ହୁଏ । ଅତ୍ୟଧିକ ଗରମ ଲାଗିଥାଏ । ତେବେ ଏହି ଅସୁବିଧା ସତ୍ୱେ କୌଣସି ସଫେଇ କର୍ମଚାରୀଙ୍କ ହେଲଥ୍ ଇନସ୍ୟୁରାନ୍ସ ହୋଇନଥିବା ସେ ଅଭିଯୋଗ କରିଛନ୍ତି ।

   Related Posts