ଧାଡି ଦର୍ଶନ ପ୍ରତିବାଦ ସହ ୮ ଦଫା ଦାବି ନେଇ ଆଜି ପୁରୀ ବନ୍ଦ
Published By : Prameya-News7 Bureau | October 03, 2018 IST
ପୁରୀ ୩|୧୦: ଆଜି ପୁରୀ ବନ୍ଦ । ଶ୍ରୀମନ୍ଦିରରେ ଧାଡ଼ି ଦର୍ଶନ, ନୀରିହ ଜନତା ଏବଂ ସାମ୍ବାଦିକଙ୍କ ଉପରେ ମାଡ, ବ୍ରହ୍ମ ବିଭ୍ରାଟ ରିପୋର୍ଟ ସାର୍ବଜନୀନ ନକରିବା ପ୍ରତିବାଦ କରି ୮ ଦଫା ଦାବି ନେଇ ଏହି ବନ୍ଦ ଡାକରା ଦିଆଯାଇଛି । ଜଗନ୍ନାଥ ସେନା ସହ କଂଗ୍ରେସ, ବିଜେପି ଓ ସେବାୟତ ସମାଜ ପକ୍ଷରୁ ଏହି ବନ୍ଦ ଡାକରା ଦିଆଯାଇଛି । ସକାଳୁ କର୍ମୀମାନେ ରାଲି କରିବା ସହ ପିକେଟିଂ କରୁଛନ୍ତି । ବନ୍ଦ ଯୋଗୁଁ ସହରରେ ଦୋକାନ ବଜାର ବନ୍ଦ ରହିଛି । ଗାଡି ଚଳାଚଳ ମଧ୍ୟ ପ୍ରଭାବିତ ହୋଇଛି । ରେଳସେବା, ମେଡିକାଲ୍ ଏବଂ ଶ୍ରୀମନ୍ଦିର ସେବାକୁ ବାଦ୍ ଦିଆଯାଇଛି ।
ଗତକାଲି ଏହି ସବୁ ଦାବି ନେଇ ବିଭିନ୍ନ ସଂଗଠନ ପକ୍ଷରୁ ପୁରୀ ବଡ଼ଦାଣ୍ଡ ଓ ସିଂହଦ୍ବାର ସାମ୍ନାରେ ଧାରଣା, ପ୍ରତିବାଦ ଓ ବିକ୍ଷୋଭ ପ୍ରଦର୍ଶନ କରାଯାଇଥିଲା । ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟ ସମ୍ମୁଖରେ ପ୍ରଶାସକଙ୍କ କୁଶ ପୁତ୍ତଳିକା ମଧ୍ୟ ଦାହ କରାଯାଇଥିଲା ।