Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠଗଡ: ହଟିଲା କଟକଣା, ନୂଆ ବର୍ଷରୁ ବାବା ଧବଳେଶ୍ୱରଙ୍କୁ ଦର୍ଶନ କରିବେ ଭକ୍ତ
  • ||
  • ଭୁବନେଶ୍ୱର: ସନ୍ଧ୍ୟା ସୁଦ୍ଧା ବାତ୍ୟାର ରୂପନେବ ଗଭୀର ଅବପାତ, ବର୍ଷାରେ ଭିଜିବ ଦକ୍ଷିଣ ଓଡିଶା
  • ||
  • ୧୭ ଜଣିଆ ରଣଜୀ ଟିମ୍ ଘୋଷଣା : ଶୁଭ୍ରାଂଶୁ ସେନାପତି ଅଧିନାୟକ, ୪ ନୂଆ ମୁହଁ
  • ||
  • ପୋଲିସକୁ ସଫଳତା, ନକଲି ସୁନା ଦେଇ ଋଣ କରି ୫୨ ଲକ୍ଷ ଟଙ୍କା ଠକେଇ ଘଟଣାର ପର୍ଦାଫାସ
  • ||
  • ଖଲ୍ଲିକୋଟ ଉଚ୍ଚ ବିଦ୍ୟାଳୟରେ ରାଗିଂ ଘଟଣା, ୭ ଛାତ୍ରଙ୍କୁ ବହିଷ୍କାର କଲେ ଅଧ୍ୟକ୍ଷ
  • ||

ହରିଶଙ୍କରରେ ରୋପ୍‌ ଓ୍ୱେ ବାତିଲ ନେଇ ତେଜିଲା ଅସନ୍ତୋଷ, ୧୨ ଘଣ୍ଟିଆ ଖପ୍ରାଖୋଲ ବନ୍ଦ୍

17/10/2022 at 12:54 PM

ପାଟଣାଗଡ଼ ୧୭/୧୦: ବଲାଙ୍ଗୀର ଜିଲ୍ଲାର ପ୍ରସିଦ୍ଧ ଶୈବପୀଠ ହରିଶଙ୍କରରେ ପ୍ରସ୍ତାବିତ ରୋପ୍‌ ଓ୍ୱେକୁ ରାଜ୍ୟ ସରକାର ବାତିଲ କରିଥିବାରୁ ସମଗ୍ର ଅଞ୍ଚଳରେ ଅସନ୍ତୋଷ ଦେଖାଦେଇଛି । ଏହି ହରିଶଙ୍କର ପୀଠକୁ ରାଜ୍ୟ ତଥା ରାଜ୍ୟ ବାହାରୁ ହଜାର ହଜାର ପର୍ଯ୍ୟଟକଙ୍କ ସୁଅ ଛୁଟି ଥାଏ । ହରିଶଙ୍କରରୁ ନୃସିଂହ ନାଥ ଯିବା ପାଇଁ କୌଣସି ସୁବିଧା ନାହିଁ । ସରକାର ପଶ୍ଚିମ ଓଡିଶାକୁ ବାରମ୍ବାର ବୈମାତୃକ ପ୍ରଦର୍ଶନ କରି ଅଣଦେଖା କରୁଥିବା ଅଭିଯୋଗ ହୋଇଛି ।

ଗତ କିଛି ଦିନ ପୂର୍ବରୁ କୋଶଳ ମୁକ୍ତି ମୋର୍ଚ୍ଚା ତରଫରୁ ଦୁଇଦିନ ଧରି ହରିଶଙ୍କରରେ ଜଳସତ୍ୟାଗ୍ରହ କରିଥିଲେ ମଧ୍ୟ ସରକାର ଓ ଜିଲ୍ଲା ପ୍ରଶାସନ କୌଣସି ପ୍ରକାର ପଦକ୍ଷେପ ନେଇନଥିଲେ । ତାହାର ପ୍ରତିବାଦରେ ଆଜି ପୁଣି କୋଶଳ ସଂଘର୍ଷ ସମିତି ପକ୍ଷରୁ ୧୨ ଘଣ୍ଟିଆ ଖପ୍ରାଖୋଲ ବନ୍ଦ ଡାକରା ଦେବା ସହ ୧୦ ଦଫା ସମ୍ବଳିତ ଦାବି ଜଣାଇଛନ୍ତି ।

ଦାବି ମଧ୍ୟରେ ହରିଶଙ୍କରରେ ଶୀଘ୍ର ରୋପ୍‌ ଓ୍ୱେ ନିର୍ମାଣ, ଖପ୍ରାଖୋଲରୁ ହରିଶଙ୍କର ପର୍ଯ୍ୟନ୍ତ ଆଲୋକିକରଣ, ଶିଶୁ ଉଦ୍ୟାନ ଉନ୍ନତିକରଣ, ବଲାଙ୍ଗୀରରୁ ହରିଶଙ୍କରକୁ ଚାଲୁଥିବା ଟୁରିଜିମ୍ ବସ କାହିଁକି ବନ୍ଦ କରାଗଲା ତାହା ପୁନଃ ଚଳାଚଳ ଖପ୍ରାଖୋଲରୁ ହରିଶଙ୍କର ପର୍ଯ୍ୟନ୍ତ ପଥ ପ୍ରାନ୍ତ ନିବାସ ସ୍ଥାପନ ଗନ୍ଧମାର୍ଦ୍ଦନକୁ ଜାତୀୟ ସମ୍ପତି ଘୋଷଣା । ହରିଶଙ୍କରକୁ ଇକୋ ଟୁରିଜିମ ଘୋଷଣା ହରିଶସଙ୍କର ଓ ନୃସିଂହ ନାଥକୁ ଜାତୀୟ ପର୍ଯ୍ୟଟନ ମାନଚିତ୍ରରେ ସ୍ଥାନିତ କରିବା ଦାବିରେ ଏହି ବନ୍ଦ ଡାକରା ଦିଆଯାଇଛି ।

ଏହି ବନ୍ଦ ଫଳରେ ସମସ୍ତ ସରକାରୀ ବେସରକାରୀ କାର୍ଯ୍ୟାଳୟ ତଥା ଦୋକାନ ବଜାର ବନ୍ଦ ରହିବା ସଂଗେ ଯାନବାହନ ଚଳାଚଳ ଠପ ରହିଛି । ଫଳରେ ଯାତ୍ରୀମାନେ ନାହି ନଥିବା ଅସୁବିଧାର ସମ୍ମୁଖୀନ ହୋଇଛନ୍ତି । ଆନ୍ଦୋଳନକାରୀ ମାନେ ଖପ୍ରାଖୋଲ ହରିଶଙ୍କର ଛକରେ ରାସ୍ତା ଅବରୋଧ କରିବା ପରେ ଯାତାୟାତ ଠପ ହୋଇପଡ଼ିଛି । ଶାନ୍ତି ଶୃଙ୍ଖଳା ରକ୍ଷା ପାଇଁ ପୋଲିସ ତରଫରୁ ବ୍ୟାପକ ବ୍ୟବସ୍ଥା କରାଯାଇଛି ।

   Related Posts