ଜି.ଉଦୟଗିରି ୧୭|୧: କନ୍ଧମାଳ ଜିଲ୍ଲା ଦାରିଙ୍ଗବାଡି ସରକାରୀ ଉଚ୍ଚ ବିଦ୍ୟାଳୟ ଛାତ୍ରୀ ନିବାସରେ ଅଷ୍ଟମ ଶ୍ରେଣୀ ଛାତ୍ରୀ ପ୍ରସବ ଘଟଣା ପ୍ରତିବାଦରେ ଆଜି କନ୍ଧମାଳ ବନ୍ଦ । କନ୍ଧମାଳ ସୁରକ୍ଷା ଅଭିଯାନ ପକ୍ଷରୁ କନ୍ଧମାଳ ବନ୍ଦ ଡାକରା ଦିଆଯାଇଛି । ସକାଳ ୬ ଟାରୁ ସଂଧ୍ୟା ୬ ଟା ପର୍ଯ୍ୟନ୍ତ କନ୍ଧମାଳ ବନ୍ଦ ରହିବ । ସମସ୍ତ ସରକାରୀ ଅଫିସ, ସ୍କୁଲ କଲେଜ୍, ଦୋକାନ ବଜାର, ଗାଡି ମଟର ବନ୍ଦ ରହିଛି । ଏହି ବନ୍ଦକୁ ବିଜେପି ସମର୍ଥନ କରିଛି ।

ଜିଲ୍ଲାପାଳଙ୍କ ବଦଳି, ପୀଡିତାଙ୍କୁ ୨୫ଲକ୍ଷ ଟଙ୍କାର କ୍ଷତିପୂରଣ ସହ ୭ ଦଫା ଦାବିରେ ବନ୍ଦ ପାଳନ କରାଯାଉଛି । ଛାତ୍ରୀ ପ୍ରସବ ଭଳି ଏକ ସମ୍ବେଦନଶୀଳ ଘଟଣାକୁ ନେଇ ସାରା ରାଜ୍ୟରେ ପ୍ରତିକ୍ରିୟା ସୃଷ୍ଟି ହୋଇଥିଲା ।ଏହାର ପ୍ରତିବାଦରେ ଗତ ଦୁଇଦିନ ତଳେ ସୁରକ୍ଷା ଅଭିଯାନ ପକ୍ଷରୁ ବନ୍ଦ ଡାକରା ଦିଆଯାଇଥିଲା ।