ଭଦ୍ରକ: ୧୬ ନମ୍ବର ଜାତୀୟ ରାଜପଥରେରେ ଦୁର୍ଘଟଣା । ଟ୍ରକକୁ ପଛ ପଟୁ ଧକ୍କା ଦେଲା ୧୦୮ ଆମ୍ବୁଲାନ୍ସ। ଭଦ୍ରକ ଜିଲ୍ଲା ଭଣ୍ଡାରିପୋଖରୀ ଥାନା ଆଖୁଆପଦାଠାରେ ଦୁର୍ଘଟଣା ଘଟିଛି । ଏଥିରେ ତିନି ଜଣ ଆହତ ହୋଇଛନ୍ତି। ଆହତଙ୍କୁ ଭଦ୍ରକ ମେଡିକାଲରେ ଭର୍ତ୍ତି କରାଯାଇଛି ।

ସୂଚନା ଅନୁଯାୟୀ , ବାଲେଶ୍ୱର ଜିଲ୍ଲା ସୋର ମଧୁସୂଦନପୁର ଗାଁ ର ଶାନ୍ତିଲତା ବେହେରାଙ୍କ ସ୍ୱାସ୍ଥ୍ୟ ଖରାପ ହେବାରୁ ତାଙ୍କୁ ସୋର ମେଡିକାଲ ରୁ କଟକ ସ୍ଥାନାନ୍ତର କରାଯାଉଥିଲା । ୧୦୮ ଆମ୍ବୁଲାନ୍ସରେ ଯାଉଥିବା ବେଳେ ଆଖୁଆପଦାଠାରେ ୧୦୮ ଆମ୍ବୁଲାନ୍ସଟି ଏକ ବ୍ରେକ ଡାଉନ ଟ୍ରକ କୁ ଧକ୍କା ଦେଇଥିଲେ। ରୋଗୀ ଙ୍କ ସହ , ତାଙ୍କ ପୁଅ ଅଜିତ , ପୁତୁରା , ରମେଶ ମଧ୍ୟ ଗୁରୁତର ହୋଇଛନ୍ତି । ୩ ଜଣଙ୍କୁ ଭଦ୍ରକ ମେଡିକାଲରେ ଭର୍ତ୍ତି କରାଯାଇଛି । ଅନ୍ୟ ୩ ଜଣ ଆମ୍ବୁଲାନ୍ସ କର୍ମଚାରୀଙ୍କୁ ଯାଜପୁର ମେଡିକାଲକୁ ସ୍ଥାନାନ୍ତର କରାଯାଇଥିବା ସୂଚନା ମିଳିଛି ।