ଖଲ୍ଲିକୋଟ ୧୨/୧୨ : ବେଗୁନିଆପଡ଼ା ଫାଣ୍ଡି ଅଞ୍ଚଳରେ ଘଟିଛି ଏକ ଅଭାବନୀୟ ଘଟଣା ଘଟିଛି। ଅଙ୍ଗାରଗାଁ-ନୁଆଁଗଡ଼ ମୁଖ୍ୟରାସ୍ତାରେ ଗୁଳିକାଣ୍ଡ ହୋଇଥିବା ଜଣାପଡ଼ିଛି। ଅଭିଯୁକ୍ତମାନେ ଗୁଳିକରି ଜଣେ ପୂର୍ବତନ ସେନା କର୍ମଚାରୀଙ୍କ ଠାରୁ ୧୦ହଜାର ଟଙ୍କା ଛଡ଼ାଇ ନେଇଛନ୍ତି।
ଅବସରପ୍ରାପ୍ତ ସେନାକର୍ମଚାରୀ ଜଣଙ୍କ ହୁମା ଅଞ୍ଚଳର ପୁଷ୍ପ ପ୍ରକାଶ ବେହେରା । ସେ ତାଙ୍କର କିଛି କାମସାରି ଅଙ୍ଗରଗାଁରୁ ହୁମା ଫେରୁଥିଲେ। ଏହି ସମୟରେ ଗୋଟିଏ ବାଇକରେ ୩ଜଣ ଆସି ତାଙ୍କୁ ବନ୍ଧୁକ ଦେଖାଇ ଅଟକାଇଥିଲେ । ପାଖରେ ଥିବା ଟଙ୍କା ମାଗିଥିଲେ । ସେ ନଦେବାରୁ ଗୋଡକୁ ଗୁଳି କରିଥିଲେ ଓ ତାଙ୍କ ପାଖରୁ ନଗଦ ୧୦ହଜାର ଟଙ୍କା ନେଇଯାଇଥିଲେ। ଏଥିପାଇଁ ତାଙ୍କ ମୁଣ୍ଡ ଓ ଗୋଡ଼ରେ ଗଭୀର ଆଘାତ ଲାଗିଛି । ବର୍ତ୍ତମାନ ସୁମଣ୍ଡଳ ଡାକ୍ତରଖାନାରେ ସେ ଚିକିତ୍ସାଧୀନ ଅବସ୍ଥାରେ ଅଛନ୍ତି। ଏହି ଖବର ପାଇ ସ୍ଥାନୀୟ ପୋଲିସ ଡାକ୍ତରଖାନାରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।
