ନାସିକ୍ ୧୩/୦୧: ମହାରାଷ୍ଟ୍ରର ସିନ୍ନର-ଶିରଡୀ ରାଜପଥରେ ଏକ ଭୟଙ୍କର ଦୁର୍ଘଟଣା ଘଟିଛି । ପାଥରେ ନିକଟରେ ଏକ ଟୁରିଷ୍ଟ ବସ୍ ଏବଂ ଟ୍ରକ୍ ମଧ୍ୟରେ ମୁହାଁମୁହିଁ ଧକ୍କା ହୋଇଛି । ଫଳରେ ଏହି ଦୁର୍ଘଟଣାରେ ୧୦ ତୀର୍ଥଯାତ୍ରୀଙ୍କ ମୃତ୍ୟୁ ହୋଇଛି । ଘରୋଇ ବସ୍ରେ ଥିବା ଅଧିକାଂଶ ଯାତ୍ରୀ ଗୁରୁତର ଆହତ ହୋଇଥିବା ସୂଚନା ମିଳିଛି । ବସ୍ରେ ପ୍ରାୟ ୫୦ ଜଣ ଯାତ୍ରୀ ଥିଲେ ।
ପୋଲିସର ସୂଚନାନୁସାରେ, ଉଲହାସନଗରରୁ ସାଇ ଦର୍ଶନ ପାଇଁ ଯାଇଥିବା ୧୫ ଟି ବସ୍ ମଧ୍ୟରୁ ଏହା ଗୋଟିଏ । ଶୁକ୍ରବାର ସକାଳେ ସାଇ ଭକ୍ତଙ୍କୁ ନେଇ ଯାଉଥିଲା ଟୁରିଷ୍ଟ ବସ୍ । ସେପଟେ ପୋଲିସ ଘଟଣାସ୍ଥଳରେ ପହଞ୍ଚି ରିଲିଫ ଓ ଉଦ୍ଧାର ଜାରି ରଥିଛି । ପୋଲିସ ଆହତମାନଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରିଛି ।
