ଲମତାପୁଟ ୧୭/୦୩: ପୁଣି ମାଛକୁଣ୍ଡ ପୋଲିସକୁ ବଡ ସଫଳତା । ଆନ୍ଧ୍ରରୁ ମହାରାଷ୍ଟ ଗଞ୍ଜେଇ ଚାଲାଣ ବେଳେ ମାଡିବସିଲା ମାଛକୁଣ୍ଡ ପୋଲିସ । ବିଶେଷ ସୂତ୍ରରୁ ଖବର କୋରାପୁଟ ଏସପିଙ୍କ ନିର୍ଦ୍ଦେଶ କ୍ରମେ ନନ୍ଦପୁର ଏସ୍.ଡି.ପିଓଙ୍କ ନେତୃତ୍ୱରେ ମାଛକୁଣ୍ଡ ଏବଂ ଲମତାପୁଟ ପୋଲିସ ମିଳିତ ଭାବରେ ବଙ୍ଗତଲବୀର ଗ୍ରାମ ଛକ ନିକଟରେ ନାକା ବନ୍ଦୀ କରି ଅପେକ୍ଷା କରିଥିଲା ।

ଦ୍ରୁତ ଗତିରେ ଆସୁଥିବା ନମ୍ବର ବିହୀନ ଗଡିକୁ ଅଟକାଇ ଯାଞ୍ଚ କରିବାରୁ ୩ ବସ୍ତାରେ ଏକ କୁଇଣ୍ଟାଲ ଗଞ୍ଜେଇ ଥିବା ଜଣାପଡିଥିଲା । ଗାଡିରେ ଥିବା ୩ ଅଭିଯୁକ୍ତଙ୍କୁ ଗିରଫ କରି ଯାଞ୍ଚ କରିବାରୁ ନଗତ ୩୦ ହଜାର ଟଙ୍କା ଏବଂ ୫ଟି ମୋବାଇଲ ଜବତ କରିଛି ପୋଲିସ । ୩ଟି ବସ୍ତାରେ ପ୍ରାୟ ଏକ କୁଇଣ୍ଟାଲ ଗଞ୍ଜେଇ ଥିବା ବେଳେ ଏହାର ମୂଲ୍ୟ ୧୦ଲକ୍ଷ ହେବ ବୋଲି ପୋଲିସ ସୂଚନା ଦେଇଛି ।

ଗିରଫ ତିନି ବ୍ୟକ୍ତି ମୁନେତ ମହାରାଷ୍ଟ୍ରର ଅଞ୍ଚଳର ମହମ୍ମଦ ସେଖ, ନାରାୟଣ ସାନ୍ତାରମଣ ଚୌଧରୀ ଏବଂ ରାହୁଲ ଇରାମନ ଇଙ୍ଗେଲେ ବୋଲି ଜଣାପଡିଛି । ଅଟକ ଗଞ୍ଜେଇ ମଫିଆଙ୍କୁ ପୋଲିସ ପଚରା ଉଚୁରା କରୁଛି ଏହି ଗଞ୍ଜେଇ କାହାଠାରୁ ଆଣି କାହାକୁ ବିକ୍ରି କରିଥାନ୍ତେ ତାକୁ ନେଇ ତଦନ୍ତ କରୁଛି ପୋଲିସ ।