ଗଞ୍ଜାମ ୧୪/୧୦: ଗଞ୍ଜାମ ଜିଲ୍ଲା ଆସିକା ପାଣ୍ଡିଆପଥର ଗାଁରେ ଡିଟୋନେଟର ବ୍ଲାଷ୍ଟ ହୋଇଛି । ଏଥିରେ ଜଣେ ନାବାଳକ ଗୁରୁତର ହୋଇଛନ୍ତି । ଗୁରୁତର ନାବାଳକ ହେଲେ ୧୪ ବର୍ଷିୟ ସେଖ୍ ସଫିଦ୍ । ସଫିଦକୁ ବ୍ରହ୍ମପୁର ବଡ ମେଡିକାଲ ଚିକିତ୍ସା ପାଇଁ ଭର୍ତ୍ତି କରାଯାଇଛି।
ସୁନ୍ଦରିଆ ପାହାଡ ନିକଟରେ ପଡିଥିବା ଏକ ଡିଟୋନେଟରକୁ ତାର ଭାବି ସଫିଦ ହାତରେ ଧରି ପଥରରେ ଛେଚୁଥିଲେ । ଫଳରେ ଡିଟୋନେଟରଟି ଫାଟି ଯାଇଥିଲା ।
ଘରୁ ବାହାରକୁ ଯାଇଥିବା ବେଳେ ସେଠାରେ ଡେଟୋନେଟର ପଡିଥିଲା । ବିସ୍ଫୋରଣ ଏତେ ଭୟଙ୍କର ଥିଲା ଯେ, ତାଙ୍କ ହାତର ୪ଟି ଆଙ୍ଗୁଠି ସହ ହାତ ପାପୁଲି ନଷ୍ଟ ହୋଇଯାଇଛି ।
