ଜି.ଉଦୟଗିରି ୨୪/୫: ଜି.ଉଦୟଗିରି ବନଖଣ୍ଡ କଳିଙ୍ଗା ଅଞ୍ଚଳର ରେତୁଡି ଗାଁରେ ଉତ୍ପାତ ମଚାଇଛନ୍ତି ହାତୀ ପଲ । ଗୁରୁବାର ବିଳମ୍ବିତ ରାତିରେ ୨୦ରୁ ୨୨ଟି ହାତୀ ଗାଁ ଭିତରକୁ ପଶିଆସିଥିଲେ । ଘଉଡାଇବାକୁ ଯାଇ ହାତୀ ହାବୁଡରେ ପଡିଯାଇଥିଲେ ଗାଁର ଟିକେନ୍ଦ୍ର ପ୍ରଧାନ । ଦନ୍ତା ହାତୀ ଟିକେନ୍ଦ୍ରକୁ ଶୁଣ୍ଢରେ ବୁଲାଇ ବୁଲାଇ ଦୂରକୁ ଫିଙ୍ଗି ଦେଇଥିଲା ।
ହାତୀ କବଳରୁ ବଞ୍ଚିଯାଇଥିଲେ ମଧ୍ୟ ଟିକେନ୍ଦ୍ରଙ୍କର ମୁଣ୍ଡରେ ଆଘାତ ଲାଗିଛି । ଅନେକ ଦିନ ଧରି ଉତ୍ତର ଘୁମୁସର ବନଖଣ୍ଡରୁ ପ୍ରାୟ ୨୫ରୁ ଅଧିକ ହାତୀ ଆସି ଫସଲ ନଷ୍ଟ କରିଦେଉଥିବା ଅଭିଯୋଗ ହେଉଛି । ହାତୀ ଭୟରେ ଲୋକେ ରାତିରେ ଶୋଇପାରୁନାହାନ୍ତି । ଉଜାଗର ରହି ହାତୀକୁ ଜଗି ରହୁଛନ୍ତି । ହାତୀ ପଲଙ୍କୁ ଘଉଡାଇବା ପାଇଁ ଉଦ୍ୟମ କରାଯାଉଥିବା କହିଛି ବନ ବିଭାଗ ।
You Can Read :
ପକୁଡ଼ି ମାଗିବାରୁ ନାବାଳିକା ଝିଅକୁ ଠେଙ୍ଗାରେ ପିଟି ମାରିଦେଲା ପିଶାଚିନୀ ମା’, ଡିଜେଲ ଢାଳି ପୋଡିଦେଇଥିଲା ଶବ