ନୂଆଦିଲ୍ଲୀ: ବସ୍ତୁ ଏବଂ ସେବା କର (ଜିଏସଟି) ସଂଗ୍ରହ ମାର୍ଚ୍ଚରେ ୧୩ ପ୍ରତିଶତ ବଢି ୧.୬୦ ଲକ୍ଷ କୋଟି ଟଙ୍କା ହୋଇଛି । ୨୦୨୨-୨୩ ଆର୍ଥିକ ବର୍ଷରେ ଚତୁର୍ଥ ଥର ପାଇଁ ସାମଗ୍ରିକ ଜିଏସଟି ସଂଗ୍ରହ ୧.୫୦ ଲକ୍ଷ କୋଟି ଟଙ୍କା ଟପିଛି । ଏହା ଆଜି ଯାଏର ଦ୍ୱିତୀୟ ସବୁଠୁ ଅଧିକ ଜିଏସଟି ସଂଗ୍ରହ ଅଟେ । ଅର୍ଥ ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ ୨୦୨୩ ମାର୍ଚ୍ଚ ମାସରେ ଜିଏସଟି ରାଜସ୍ୱ ୧,୬୦,୧୨୨ କୋଟି ଟଙ୍କା ରହିଛି । ଏଥିରେ ସିଜିଏସଟି ୨୯,୫୪୬ କୋଟି ଟଙ୍କା, ଏସଜିଏସଟି ୩୭,୩୧୪ କୋଟି ଟଙ୍କା ଏବଂ ଆଇଜିଏସଟି ୮୨,୯୦୭ କୋଟି ଟଙ୍କା ରହିଛି ।

ମାସିକ ଜିଏସଟି ସଂଗ୍ରହ ଲଗାତାର ୧୨ ମାସରେ ୧.୪୦ ଲକ୍ଷ କୋଟି ଟଙ୍କାରୁ ଅଧିକ ରହିଛି । ଏହାସହ ଜିଏସଟି ଲାଗୁ ହେବା ପରଠୁ ଦ୍ୱିତୀୟ ଥର ପାଇଁ ୧.୬୦ ଲକ୍ଷ କୋଟି ଟଙ୍କାର ମାଇଲ ଖୁଣ୍ଟ ପାର କରିଛି । ଆର୍ଥିକ ବର୍ଷ ୨୦୨୨-୨୩ରେ ମୋଟ୍ ଜିଏସଟି ସଂଗ୍ରହ ୧୮.୧୦ ଲକ୍ଷ କୋଟି ଟଙ୍କା ହୋଇଛି ଏବଂ ପୂରା ବର୍ଷରେ ହାରାହାରି ସଂଗ୍ରହ ୧.୫୧ ଲକ୍ଷ କୋଟି ଟଙ୍କା ରହିଛି । ମୋଟ ରାଜସ୍ୱ ମାମଲାରେ ଗତ ବର୍ଷ ତୁଳନାରେ ୨୨ ପ୍ରତିଶତ ଅଧିକ ରହିଛି ।

୨୦୨୩ ମାର୍ଚ୍ଚରେ ରିଟର୍ଣ୍ଣ ଫାଇଲିଂ ଆଜ ଯାଏର ସବୁଠୁ ଅଧିକ ରହିଛି । ଫେବ୍ରୁଆରୀରେ ୯୩.୨ ପ୍ରତିଶତ ସେଟମେଣ୍ଟ (ଜିଏସଟିଆର-୧) ଏବଂ ୯୧.୪ ପ୍ରତିଶତ ରିଟର୍ଣ୍ଣ (ଜିଏସଟିଆର-୩ ବି) ମାର୍ଚ୍ଚରେ ଦାଖଲ କରାଯାଇଛି ।