ସୋରରେ ବର ଶୋଭାଯାତ୍ରାରେ ଗଣ୍ଡଗୋଳ ।  ବିବାହ ଭୋଜି ଖାଇ ଫେରୁଥିବା ବରଯାତ୍ରୀଙ୍କୁ ଅନ୍ୟ ଏକ ଗାଡିରେ ଆସୁଥିବା ବରଯାତ୍ରୀଙ୍କ ଅସଦାଚରଣ। ବାଲେଶ୍ବର ଜିଲ୍ଲା ବାହାନଗା କମାରୀପଡା ଗାଁରେ କିଛି ଲୋକ  ଭଦ୍ରକ ବାସୁଦେବପଡା ଟାଉନ ସ୍ଥିତ ଝିଅଘରୁ ଭୋଜି ଖାଇ ଫେରୁଥିଲେ । ଅନନ୍ତପଡା ବାସୁଦେବପୁର ରାସ୍ତା ଛତୁର୍ଗା ଛକରେ ଅନ୍ୟ ଏକ ବରଯାତ୍ରୀ ଗାଡି ଆସୁଥିଲା । ସେମାନେ କମାରୀପଡା ଗାଁ ଲୋକ ଆସୁଥିବା ବସକୁ ଅଟକାଇଥିଲେ । ବସ ଭିତରେ ପଶି ୧୦ରୁ ଅଧିକ ଯୁବକ ମହିଳାଙ୍କୁ ଅସଦାଚରଣ କରିଥିଲେ । ଏପରିକି ଯୁବତୀ ଓ ମହିଳାଙ୍କୁ ଲୁଟପାଟ କରିଥିବା ଅଭିଯୋଗ ହୋଇଛି । ଉଭୟ ପକ୍ଷ ଧସ୍ତାଧସ୍ତିରେ ୪ ଜଣ ଆହତ ହୋଇଛନ୍ତି । ସେମାନଙ୍କୁ ଆମ୍ବୁଲାନ୍ସ ଯୋଗେ ସୋର ମେଡିକାଲରେ ଭର୍ତ୍ତି କରାଯାଇଛି । ସୋର ଓ ବାସୁଦେବପୁର ପୋଲିସ ଘଟଣାସ୍ଥଳରେ ପହଞ୍ଚି ପରିସ୍ଥିତିକୁ ଆୟତ୍ତ କରିଥିଲେ ।