ଶ୍ରୀମନ୍ଦିର ଜୟ ବିଜୟ ଦ୍ବାର ମରାମତି ପ୍ରସଙ୍ଗ । ଆଜି ବସିବ ପ୍ରଶାସନ ଓ ନିଯୋଗ ବୈଠକ । ଅପରାହ୍ନରେ ଶ୍ରୀମନ୍ଦିର ମୁଖ୍ୟ ପ୍ରଶାସକ ପ୍ରଦୀପ ଜେନାଙ୍କ ଅଧ୍ୟକ୍ଷତାରେ ଏହି ବୈଠକ ବସିବ । ଶ୍ରୀମନ୍ଦିର ପରିଚାଳନା କମିଟି ସଦସ୍ୟ , ବିଭିନ୍ନ ସେବାୟତ, ଓ ମନ୍ଦିର ପ୍ରଶାସନର ପ୍ରଶାସକମାନେ ଏହି ବୈଠକରେ ଉପସ୍ଥିତ ରହିବେ । ଜୟବିଜୟ ଦ୍ବାର ମରାମତି ସମୟରେ ଶ୍ରଦ୍ଧାଳୁମାନେ କିପରି ଠାକୁରଙ୍କୁ ଭଲ ଭାବେ ଦର୍ଶନ କରିବେ ତାହା ଆଜିର ବୈଠକର ମୂଳ ଉଦ୍ଦେଶ୍ୟ । ଜୟବିଜୟ ଦ୍ବାର ନିକଟରେ ଅସ୍ଥାୟୀ ଲୁହାଖୁଣ୍ଟ ଓ ଭାର ବନ୍ଧାଯିବ । ତେଣୁ  ଏପରି ସ୍ଥଳରେ ଭକ୍ତମାନେ କିପରି ଠାକୁରଙ୍କ ଦର୍ଶନ କରିବେ ତାହା ହିଁ ଆଲୋଚନାରେ ମୁଖ୍ୟ ବିଷୟ ରହିବ ।