ନୂଆଦିଲ୍ଲୀ: କରୋନା ଭଳି ଭୟଙ୍କର ନୁହେଁ H3N2 ଭୂତାଣୁ । ହେଲେ ବାୟୁ ଅଧିକ ସମୟରେ ରହୁଥିବା ଏହି ଭାଇରସ କୋଭିଡ୍-୧୯ ସଂକ୍ରମଣ ବୃଦ୍ଧି କରିବାରେ ସହଯୋଗ କରିଥାଏ । H3N2 ମାରାତ୍କମ ନୁହେଁ, ବରଂ ସାମାନ୍ୟ ଚଳନର ଭୂତାଣୁ  ଅଟେ । ଭାରତୀୟ ଚିକିତ୍ସା ଅନୁସଂଧାନ ପରିଷଦ ତଥା ଆଇସିଏମଆର ଦ୍ବାରା ସଂଚାଳିତ ଏନଆଇସି ଏହି ସୂଚନା ଦେଇଛନ୍ତି ।  

ଗତ ୩ ମାସ ହେଲା ଦେଶରେ ଫ୍ଲୁ’ ସଂକ୍ରମଣ ମାମଲା ବଢ଼ିବାରେ  ଲାଗିଛି ।  H3N2 ଭାଇରସ୍ ସଂକ୍ରମଣରେ କର୍ଣ୍ଣାଟକ ଓ ହରିୟାଣାରେ ୨ଜଣଙ୍କ ମୃତ୍ୟୁ ହୋଇଛି । ଶତାଧିକ ଲୋକ ବିଭିନ୍ନ ହସ୍ପିଟାଲରେ ଭର୍ତ୍ତି ହୋଇ ଚିକିତ୍ସିତ ହେଉଛନ୍ତି । ଏନଆଇସି ପ୍ରମୁଖ ଡାକ୍ତର ବର୍ଷା ପଟଦାର କହିଛନ୍ତି, ଏହି ଭାଇରସ ଋତୁ ପରିବର୍ତ୍ତନରେ ଦେଖିବାକୁ ମିଳିଥାଏ । ଜଳବାୟୁ ପରିବର୍ତ୍ତନ ଦ୍ବାରା ଏହାର ସଂକ୍ରମଣ ବଢ଼ିଥାଏ ।  ଅଗଷ୍ଟ ମାସରେ ଏହା H1N1 ଭାବେ ରହିଥିଲା ଏବଂ ନଭେମ୍ବରରେ ଏହା H3N2 ଭୂତାଣରେ ପରିବର୍ତ୍ତନ ହୋଇଛି । ଏବେ ଏହା H3N2 ‘ଟାଇପି-ବି’ ଭାବେ ସଂକ୍ରମଣ ବୃଦ୍ଧି ପାଉଛି ।  ଋତୁ ଚକ୍ର ପରିବର୍ତ୍ତନ ଯୋଗୁଁ ପୂରା ବିଶ୍ବରେ ଏହି ଭଇରସ୍ ଦେଖିବାକୁ ମିଳୁଛି ବୋଲି ବର୍ଷା ପଟଦାର କହିଛନ୍ତି ।  

ଇନଫ୍ଲୁଏଞ୍ଜା ଭାଇରସ୍ ଲଗାତାର ବିକଶିତ ହେବାରେ ଲାଗିଛି । ଯାହାର ନୂଆ ନୂଆ ମ୍ୟୁଟେସନ ଲୋକଙ୍କ ପାଇଁ ବିପଦ ସୃଷ୍ଟି କରୁଛି । ଏଥିପାଇଁ ପ୍ରତିବର୍ଷ ଭ୍ୟାକ୍ସିନକୁ ବିକଶିତ କରାଯାଉଛି । ପ୍ରତି ୧୦୦ଜଣଙ୍କ ମଧ୍ୟରେ ମାତ୍ର ୬ଜଣଙ୍କ ମଧ୍ୟରେ ପିଜିଟିଭ୍ ଦେଖିବାକୁ ମିଳୁଥିବା ଏନଆଇସି ପ୍ରମୁଖ କହିଛନ୍ତି।