ଭୁବନେଶ୍ବରରେ ପହ଼଼ଞ୍ଚିଲେ ପିସିସିର ନୂତନ ସଭାପତି ନିରଞ୍ଜନ ପଟ୍ଟନାୟକ । ଭୁବନେଶ୍ବର ବିମାନ ବନ୍ଦରରେ ପିସିସିର ନୁତନ ସଭାପତିଙ୍କୁ ସମ୍ବର୍ଦ୍ଧନା ଜଣାଇବାକୁ କର୍ମିଙ୍କ ପ୍ରବଳ ଭିଡ ଦେଖିବାକୁ ମିଳିଥିଲା । ଏପରିକି ଯେଉଁମାନେ କଗ୍ରେସରୁ ମୁହଁ ଫେରାଇ ନେଇଥିଲେ ସେମାନଙ୍କୁ ମଧ୍ୟ ଏଠାରେ କଗ୍ରେସ ପତାକା ଧରି ଜିନ୍ଦାବାଦ କରୁଥିବା ଦେଖା ଯାଇଥିଲା । ବିଜୁ ପଟ୍ଟନାୟକ ବିମାନ ବନ୍ଦରରୁ ଏକ ବିରାଟ ଶୋଭାଯାତ୍ରାରେ ନୁତନ ପିସିସି ସଭାପତିଙ୍କୁ କଂଗ୍ରେସ ଭବନ ପର୍ଯ୍ୟନ୍ତ ପାଛୋଟି ନେଇଥିଲେ ନେତା ଓ କର୍ମୀମାନେ । ଏହି ଶୋଭାଯାତ୍ରାରେ ବିଭିନ୍ନ ଜିଲ୍ଲାରୁ ପ୍ରାୟ ୫ହଜାରରୁ ଉର୍ଦ୍ଧ କଂଗ୍ରେସ କର୍ମୀ ଯୋଗ ଦେଇଥିଲେ ।ଖାଲି ପଡିଥିବା କଂଗ୍ରେସ ଭବନ ଆଜି ଉସ୍ଥବ ମୁଖର ହୋଇପଡିଥିଲା । କଂଗ୍ରେସ ଭବନରେ ବହୁ ନେତା ଓ କର୍ମି ପୁଷ୍ପ ଗୁଚ୍ଛ ଦେଇ ନୁତନ ପିସିସି ସଭାପତି ନିରଞନଙ୍କୁ ସମ୍ବର୍ଦ୍ଧିତ କରିଥିଲେ । ଏପଟେ କଂଗ୍ରେସ ର୍କମୀ ଓ କର୍ମକର୍ତ୍ତାକୁ ଚଳଚଞ୍ଚଳ କରିବା ପାଇଁ ଆସନ୍ତା କାଲି ମାରଥନ ବୈଠକ ବସିବ। ଦିନ ୯ଟା ୩୦ ମିନିଟରେ କଂଗ୍ରେସ ଭବନରେ ବିଧାୟକ ମାନଙ୍କ ସହ ବୈଠକ ତାପରେ ୧୦ଟା ୩୦ରେ ଯୁବ , ଛାତ୍ର କଂଗ୍ରେସ ଓ ସମସ୍ତ ଛାମୁଆ ସଂଗଠନର କର୍ମକର୍ତ୍ତାଙ୍କ ସହ ଆଲୋଚନା କରିବେ । ଏହାପରେ ୧୧ଟା ୩୦ରେ ସେବାଦଳ ଓ ମହିଳା କଂଗ୍ରେସ ସହ ବୈଠକ ତାପରେ ଜିଲ୍ଲା ସଭାପତି ମାନଙ୍କ ବୈଠକ ବସିବ ।