ବ୍ୟାଙ୍କ କର୍ମଚାରୀଙ୍କ ଧାରଣା । ୪୮ ଘଣ୍ଟିଆ ଧର୍ମଘଟକୁ ମିଳିତ ଭାବରେ ଓହ୍ଲାଇଛି ୯ଟି ବ୍ୟାଙ୍କ କର୍ମଚାରୀ ଓ ଅଧିକାରୀଙ୍କ ସଂଗଠନ । ଫଳରେ ବ୍ୟାଙ୍କ କାର୍ଯ୍ୟ ଠପ୍ ଓ ଗ୍ରାହକ ହନ୍ତସନ୍ତ ।
କାରବାର ବନ୍ଦ କରି ଧାରଣାରେ ବ୍ୟାଙ୍କ୍ କର୍ମଚାରୀ । ବ୍ୟାଙ୍କ ଫାଟକ ଆଗରେ କର୍ମଚାରୀଙ୍କ ନାରାବାଜି । ୨ ପ୍ରତିଶତ ଦରମା ବୃଦ୍ଧିକୁ ପ୍ରତ୍ୟାଖାନ କରି ୪୮ ଘଣ୍ଟିଆ ଧର୍ମଘଟକୁ ଓହ୍ଲାଇଛି ୟୁନାଇଟେଡ ଫୋରମ୍ ଅଫ୍ ବ୍ୟାଙ୍କ୍ ୟୁନିୟନସ୍ । ଦେଶର ସବୁ ବ୍ୟାଙ୍କ୍ ଆଗରେ ଆଜି ଏହି ଚିତ୍ର । ଭୁବନେଶ୍ବରରେ ଆରବିଆଇ, ଷ୍ଟେଟ୍ ବ୍ୟାଙ୍କର ମୁଖ୍ୟ ଶାଖା, ୟୁକୋ ବ୍ୟାଙ୍କର ମୁଖ୍ୟ ଶାଖା ସମେତ ଅଧିକାଂଶ ବ୍ୟାଙ୍କରେ ଧାରଣାରେ ବସିଥିଲେ କର୍ମଚାରୀ । ୨ ପ୍ରତିଶତ ନୁହେଁ, କମ୍ ସେ କମ୍ ୧୫ ପ୍ରତିଶତ ଦରମା ବଢାଇବାକୁ ଦାବି କରିଥିଲେ ।